Riba e 8,3 mion ku èks-minister silvania a regla pa un persona na malta, ta na su lugá
Ku e komunikado aki Suzy Römer ta pone asuntu di offshore gaming den konteksto korekto.
Echo: Minister di Hustisia Suzy Camelia-Römer a pasa lei di offshore gambling na 1993. Suzy no a duna ni un pèrmit na ni un kompania òf persona. Pues Javier Silvania ta kontinuá riba e rumbo ku ta tipifiká su persona di gaña i manipulá opinion públiko. Susesor di Suzy, esta Minister di Hustisia Señor Pedro Atacho, a duna pèrmit na kompanianan spesífiko a base di e lei i tur Minister di Hustisia a sigui traha ku e lei.
Ta mas ku lógiko ku un lei di mas di 30 aña mester di revishon.
Echo: Pa ku e investigashon anunsiá pa Minister di Finansas Cooper, Suzy Römer ta sostené e echo ku mester bini un investigashon kompletu.
Si èks-minister Javier Silvania a pone e plataforma digital di gaming na Malta, dikon el a skohé pa e persona spesífiko ei i sin duna trasparensia públiko i sin tabatin destaho públiko? Ademas, dikon Javier Silvania a sòru supuestamente pa pago ku bitcoin na gobièrnu via Tchechia i a sòru pa paga mas ku 8,3 mion pa aña na un kompania ku aparentemente ta konsistí di un òf dos persona? P’esei e investigashon ku Minister di Finansas Charles Cooper ke hasi ta kompletamente na su lugá.
Taktika pa desviá for di e pregunta, kon por ta ku un persona na Malta ta haña 8,3 mion pa aña komo regalo di Javier Silvania, lo no funshoná.
Nos ta sostené e investigashon dor di Minister Cooper i tambe e investigashon dor di Landsrecherche ku anteriormente minister-presidente Pisas a splika, na momentu ku partido MFK a baha èks-minister Silvania komo minister.