Parlamentario Mike de Meza a duna claridad riba e proceso y e documentacion cu semper tabata disponibel cerca Departamento di Impuesto (DIMP). Segun de Meza, Dimp semper tabatin tur su documentonan, y el a cumpli dunando tur informacion necesario.
De Meza a splicá cu na 2009, despues di ricibi instruccion di formador y gobernador pa pone un fin na actividad comercial y poné distancia, a tuma e pasonan debido.Cu sosten di un team di accountant, notario y especialista den leinan fiscal for di Hulanda, hunto cu STAK (Stichting Administratiekantoor), cu a reorganisá juridicamente su companianan pa asina keda distancia y evita influencia riba decisionnan di compania.
A pesar di esaki, e ta lamenta cu te dia di awe e companianan aki, cu ta completamente non-active y sin actividad, ainda ta wordo cuestiona. El a subraya cu e ta keda e ultimate beneficiary owner (UBO) y ta esun cu ta accioná e compania pa loke ta certificadonan, pero e echo cu e companianan ta inactivo ta mustra cu e investigacion ta basa riba otro motibonan.
De Meza a enfatisa cu e problema principal ta trata di un mal uso di poder
Experiencia anterior: De Meza ta corda cu den su periodo como miembro di parlamento y como vice-prome minister y minister di finanzas, economia y energia (2009-2017), el a carga responsabilidad pa diferente ministerio mas grandi den historia di Aruba.
E ta cuestiona con un departamento cu tin poder por permiti mal uso di poder pa persigui un persona, y ta remarca cu cambionan mester bin na Aruba. Mes un cos cu a haci e keho nan por a bin cerca su persona y puntra.
Mike De Meza a menciona cu hasta den corte, huesnan a puntra cu si tabatin retraso den papel, e deber tabata pa entrega y cumpli, hues a puntra si su documentonan tabata bon e contesta tabata si, si e debe algo e contesta tabata no, pero 5 dia prome e keho a keda entrega na ministerio publico, segun Mike de Meza.
E parlamentario a conclui cu e situacion aki ta un persecucion politico y un mal uzo di poder cu no por ser tolera den nos pais.