E diferente partidonan polítiko ta bai hiba kampaña pa logra mas tantu voto pa di e forma ei haña representashon den Parlamento.
Elekshon liber, sekreto i honesto ta na base di un estado di derecho demokrátiko.
E interes ta ankrá den Areglo di Estado i areglonan internashonal Un votadó tin e derechi pa baha su voto sin ningun influensia i pa tene su desishon pa su mes.
Partisipashon na elekshon ta un derechi atkerí di hopi importansia, ku na hopi pais na mundu no ta un algu usual i normal.
Un manera ku elekshon no ta resultá di un forma honesto ta na momentu ku ta kumpra òf bende voto, sea ku plaka kèsh òf di otro forma manera fabor/promesa.
Semper na momentu di elekshon ta yega na Ministerio Públiko (OM) señal ku votadó ta laga kumpra nan mes pa vota riba un sierto partido polítiko òf persona.
Esaki ta influensiá un proseso liber i honesto di elekshon i ta ademas tambe kastigabel. Ministerio Públiko ta mustra pa e motibu aki ku ta prohibí i kastigabel pa paga un votadó pa su voto.
Tambe ta prohibí pa haña pago pa vota riba un partido polítiko òf un persona spesífiko. Tantu esun kumprá òf esun ku ta ofresé ta kastigabel konforme nos Kódigo Penal di Kòrsou ku un kondena di maksimalmente 2 aña.
Ministerio Públiko ta bai ta alerta durante e próksimo temporada di elekshon riba tur señal di soborno. OM ta alerta i ta bai investigá tur señal ku yega serka nos.
Artikel 2:44 Wetboek van Strafrecht Curaçao
Lid 1. Hij die bij gelegenheid van een krachtens wettelijk voorschrift uitgeschreven verkiezing door gift of belofte iemand omkoopt om zijn of eens anders kiesrecht hetzij niet, hetzij op bepaalde wijze uit te oefenen, wordt gestraft met gevangenisstraf van ten hoogste twee jaren of geldboete van de vierde categorie.
Lid 2. Met ten hoogste dezelfde straf wordt gestraft de kiezer of de gemachtigde van een kiezer die zich door gift of belofte tot een of ander laat omkopen.
