Aruba ta enfrentando un momento di destabilisacion politico cu ta causando preocupacion den comunidad. Segun parlamentario Dangui Oduber a indica durante un conferencia di prensa, e crisis aki a cuminsa for di e proceso di formacion di gabinete entre e partidonan AVP y Futuro.
E Cuminsamento di e Proseso y e Desacuerdo nan
E formacion di gobierno a cuminsa cu un periodo di desorden y control, sin ni sikiera yega na un nomber consistente pa un gabinete. Normalmente, un gabinete ta carga nomber di su prome minister, pero den e caso aki tabatin diferente cambio den e combinacionnan propone. Partido Futuro no a acepta e nomber di gabinete Mike Eman, loke a marca e cuminsamento di e tensionnan y tristesa pa Aruba.
Despues, e situacion a bira mas complica ora cu lidernan di Partido Futuro a busca sosten legal pa evita cambio di posicion den gabinete, mustrando desacuerdo cu puntonan clave manera refineria. E nombramento di otro candidatonan a sigui trece desacuerdo, marcando un temporada di caos den e proceso di formacion. Patido FUTURO realmente a bin pa un miho futuro pa Aruba of a bin pa destrui e futuro di Aruba?
Falta di Transparencia y Accountability
Despues di simannan di gobierno, a bini dilanti cu e gabinete ta funciona sin sufiente transparencia pa cu parlamento y pueblo. Casonan a surgi unda conseho di minister a keda tene keto of no comparti habri den parlamento. E falta di cuenta habri aki ta bofon riba e promesanan di campaña cu a keda trece dilanti pa mehora e funcionamento di parlamento y trece mas recurso di control democratico.