FeaturedSocialLocal

Empleadonan di Aruba Conservation Foundation ta eleva nan conocemento riba tereno di siguridad

Acf Aed And First Aid Training 2024

Recientemente, e team completo di Aruba Conservation Foundation (ACF)e organisacion di conservacion di naturalesa independienteconsistiendo di 49 empleado dedica y pasionapa naturalesa, a forma parti di diferentecursonanpa asina elevaconocemento y habilidad riba e tereno di prome auxilio y siguridad. Sigurdad di e empleadonan di ACF y bishitante di e areanan natural ta importante pa ACF pa asina garantisa un area di trabou sigur y tambe un team ekipa pa duna prome auxilio. Pa e motibo aki ta sigui inverti no solamente den diferente materialnan di siguridad pero tambe brindando cursonan pa capcita e team pa asina porasisti den caso di emergencia.

Atraves di un serie di diferente curso ytayer cu a tuma lugar den luna di juni y juli 2024, empleadonan di ACF ta eleva nan conocemento riba topiconan importante diFire Extinguisher Safety y recertificacion di Heartsaver First Aid CPR AEDcu ta forma parti di ACF su compromiso continuo na siguridad di su empleadonan y bishitantenan.

Den colaboracion cu BeSafe4Life Consultancy y ImSan Aruba, ACF a organiza diferente sesion obligatorio pa empleadonan por ekipa nan mes cu e ultimo conocemento pa por responde efectivamente na diferente emergencianan cu por ocuri. Esakinan tavaria entre diferente sorto di candela y con pa haci uzo di un Fire Extinguisher y alabes traha riba nan habilidad di por duna asistencia di prome auxilio den veld en espera di ayudo medico profesional. Door di priorisa siguridad, e empleadonan ta eleva nan habilidad pa asisti bishitante den caso di emergencia y proteha naturalesa asina cultivando un ambiente di trabou mas sigur y resiliente. Por ultimo, e compromiso na siguridad ta keda un prioridad pa di e manera aki haci areanan natural protegi accesibel pero tambe sigur.

Banda di e diferente curso y tayernan enfoka riba seguridad,ACF cu sosten fianciero di Aruba Tourism Authority, tambeta den e proceso pa instala diferente borchi di regla y regulacion nobo den e areanan natural protegi padi e manera aki comunica cu e bishitante riba e comportacion desea ora di bishita e areanan natural protegi, tanto pa seguridad di e bishitante pero tambe pa conservacion di nos naturalesa. Tambe ta den proceso final pa cuminsa restaura diferente trapinan localisa den Parke Nacional Arikok cu tambe lo eleva e siguridad y experiencia di e bishitante.

“Invertiendo den nos empleado nan conocemento,habilidadnanhunto cu e materialnan necesario, especialmente riba e tereno di siguridad ta crucial pa nos organisacion. Mi ta hopi orguyoso di e team pa nan dedicacion y e atencion profundo cu a wordo duna den e cursonan aki, den tur e parti teoretico pero tambe e parti di practica. Mi tin tur confiansa cu ecursonan aki lo permiti pa nos empleadonan haci nan trabou na e mihor manera posibel asina garantisando siguridad di nos empleadonan, bishitantenan y nos naturalesa”, Tyson Lopez, Director General di ACF ta comenta.

Acf Fire Extinguisher Training 2024 2 ScaledAcf Fire Extinguisher Training 2024 1 Scaled

Related posts

Artista hoben local Dennis Angelino ta lansa su cantica ‘Namora’

EA News Author

Minister Endy Croes: A reuni cu secretario general di ministerio di enseñansa di Hulanda drs. Marjan Hammersma un bon reunion

EA News Author

Frakshon di Man ta hasi bishita na CMC

EA News Author

Leave a Comment

Whatsapp Message