Bianca Brown ta traha pa stichting Hunto den e departamento intermoral y ta e director na centro Colorado. Den e anochi informativo na Teresita Center director di Centro Colorado tambe tabata presente hunto cu e otro profesional nan cu a duna informacion di kico ta adicccion y con un ser keri por deal cu esaki.
Den henter e proceso d informacion famia ta hunga un rol hopi grandi den un persona cu tin un adiccion. Sinembargo tin famianan cu no por wanta e presion mas y nan ta cansa y nan ta dicidi tambe di bira lomba bay, no ta tur famia ta haci esaki pero tin algun famia ta opta di haci esaki y na unda cu e persona cu un adiccion ta keda su so. Segun Directora di centro Colorado den henter e proceso aki e famia tambe ta wordo afecta y tambe ta haya daño y ta pone cu nan no kier tende nada mas di e persona.
Sinembargo Centro Colorado no ta laga los y lo mester traha un plan di aanpak pa mira con ta siña e persona para riba su mes un pia sin su famia. E stapnan ta chikito pero nan ta sigur. Ta cuminsa na crea un structura di dia unda cu e persona mester drecha su cama na momento cu lanta, kita e slof for di bao cama , come na ora, sosega durante dia, sosega ta parti esencial tambe di un rehabilitacion.
Den henter e proceso aki poco poco ta siña e personanan den Centro Colorado pa nan stima nan mes, tur loke cu nan haci bon ta elogia nan y duna nan di conoce cu nan a haci bon. Di e manera aki poco poco ta beeld op e animo di e persona.
Segun Sra Bianca Brown na momento cu tempo pasa nan ta sinti nan mas sigur di nan mes y na dado momento ta yega e momento cu nan lo mester bay busca un trabao y despues nan lo busca un luga di keda. Na momento cu e stap grandi aki tuma luga y cu nan mes ta tuma nota cu nan ta bayendo un temporada bon e mes un famia cu no kier a atende cu nan, na momento cu nan mira e cambio aki e famia ta cuminsa tuma nota y nan mes ta bini bek.
Sinembargo mester bisa si tin ex adictonan cu ta tuma e famianan bek , pero na mes momento tin ex adictonan cu ta bisa no boso a lagami den tempo duro mi so, awo cu mi ta bon mi mes por sigui y no ta interesa mas pa e famia ta rond di dje aunke cu e la bira bon. Tur cos ta depende di e ex adicto mes.
E conseho semper ta keda pa famianan no perde speransa cay den un proceso di relabs ta parti di un rehabilitacion, tin hende cu den un biaha e la bay bon , tin cu ta bay dos , tres biaha y hasta tin hende cu ta bay diferente centronan di rehabilitacion na Aruba pero tambe hasta den exterior.
Sinembargo e decision ta keda na e persona mes , e persona ta esun cu lo mester bisa ok ta basta si e no tin esaki den su mente y curason dificilmente por bisa cu nan lo por bay stop. Stop cu adiccion ta un decision cu ta keda tuma door di e adicto mes, pero na mes momento ta importante pa famia tey y no laga nan cay den cada proceso panan por yega na e decision di bisa ta basta y cu lo stop definitivamente.
Click aki bao like y share 
1 comment
[…] Source link […]