For di dia 18 di òktober un unidat di Forsanan Real (Koninklijke Landmacht), e asina yamá ‘101 Geniebataljon’ (un sorto di Kontratista di Defensa) lo ehekutá diferente trabounan di konstrukshon riba e tereno di entrenamentu na Wacawa i den parke Kristòf. E konstrukshon di e proyektonan aki ta tuma lugá komo parti di e ehersisio ‘Caribbean Beaver’. Enkargá pa Komandante di Forsanan Naval den Region Karibe, e unidat ta sòru pa un aktualisashon na e tereno di entrenamentu Wacawa, ya asina tantu unidatnan Hulandes, komo di eksterior por tin mas fasilidat pa por trein. Banda di esei e unidat ta ehersé trabounan di restourashon den Parke Kristòf. E sirkunstanshanan klimatológiko na Kòrsou ta di kompará ku sirkunstanshanan den áreanan di mishon. E ehersisio aki p’esei ta duna nan e chèns úniko pa por trein den sirkunstanshanan similar.
E unidat ta bini ku 120 militar ku ta keda repartí i ubiká na Kòrsou. Un parti ta hospedá na Wacawa i un otro parti ta hospedá na Lanthùis Ascencion. Pa por kompletá e trabounan di konstrukshon , 40 vehíkulo (militar) di konstrukshon a keda mandá ku barku i nan ta yega den haf di Willemstad dia 14 òktober. Desde einan e vehíkulonan ta keda mové bou di supervishon di un destakamentu nan dilanti pa bai Wacawa i Ascencion.
E departamento lo bai ehersé trabounan di konstrukshon na diferente lokalidat riba e isla, pa treinen personal i pa mehorá entre otro instalashonnan di ehersisio di Marina Real. Asina un instalashon di estadia lo keda ekspandé riba tereno di entrenamentu na Wacawa, ku shèlternan di semènt i instalashonnan sanitario. Ademas nan lo mehorá e lokalidat di ehersisio ‘Camp Dovale’ ku diferente trabounan chikitu, manera instalashon di bentana i kozèin den kònteiner, i nan ta ehersé na ámbos lokalidat drechamentu di e tereno ku ta ei banda. Finalmente lo tuma lugá diferente trabounan den e área, entre otro drechamentu di kaminda riba e tereno di ehersisio na Wacawa. Lo hasi sondeo pa loke ta trata trabounan den futuro den Parke Kristòf i hasi trabounan di instalashon eletrotékniko na algun lugá mas. E ehersisio ta dura te 7 di novèmber.
COVID-19
Tur e militarnan ku ta drenta a tèst negativo adelantá pa COVID-19 (no mas tantu ku 72 ora). Ku esaki ta evitá ku posiblemente un di e militarnan ta bin ku CORONA riba e isla. Ademas aktividatnan sosial ta keda minimalisá i e unidat ta sigui e reglanan ku ta bálido riba Kòrsou.
