Minister di Hustisia Gilmar Pisas, huntu ku Minister di Desaroyo Ekonómiko Ruisandro Cijntje, i konseheronan di Ministerio di Hustisia, a risibí un delegashon ku ta konsistí di representantenan di Duana, Guarda Kosta, KPC, Imigrashon, Havenmeester i MAC. (Maritime Authority of Curaçao).
E reunion tabata pa atendé e situashon rondo di kumpramentu di Piska di hendenan di Kòrsou serka Piskadonan di Venezuela den nos awanan i awanan internashonal.
Aktualmente tin un desaroyo ku ta andando ku por krea problema i peliger pa nos hendenan.
A deliberá ampliamente riba e asuntu aki i lo bai sigui hasi esaki den futuro pa yega un forma mas mihó i ku ta mas seif pa nos hendenan pr sigui hasi e tipo di labor aki.
