Den macro di e inicio di e aña parlamentario hubenil nobo, caminda a instala y huramenta varios hoben den posicionnan nobo, Parlamentario di fraccion di MEP, Shailiny Tromp-Lee, a expresa su alegria y a cualifica e momento aki como un berdadero fiesta y hubileo pa Aruba.
Segun e parlamentario, e rol cu Fundacion Parlamento Hubenil ta hunga den e formacion di e hubentud ta di un balor incalculabel pa e futuro di e pais.
Tromp-Lee a duna di conoce cu uno di e aspectonan mas importante di e plataforma aki ta cu e ta educa e hobennan y ta yuda nan supera e miedo di expresa nan mes.
Desaroyo di confiansa: E programa ta brinda e hobennan e confiansa necesario pa nan vocifera nan opinion y exigi pa nan bos wordo scucha den sociedad.
Tayer y capacitacion: E fundacion ta ofrece workshopnan cu no solamente ta enfoca riba formacion general, sino tambe riba e aspectonan fundamental di con pa bira un bon lider pa mañan.
Probecha e oportunidad: El a haci un yamada special na tur e muchanan y hobennan pa gara e oportunidad aki cu dos man y haci bon uzo di tur e hermentnan cu Parlamento Hubenil ta brinda nan.
Finalmente, e parlamentario di MEP a felicita y gradici e directiva di Fundacion Parlamento Hubenil pa nan dedicacion continuo y pa amplia e plataforma aña tras aña, logrando reuni un grupo grandi di hobennan comprometi pa haci nan bos scucha. El a e saltá e trabou voluntario y inestimabel cu e directiva y e ekipo ta eherece pa bienestar di Aruba.
