Tur hende tin derechi riba e amor y bondad di Dios, ningun hende ta exclui, tur hende por logra den nan bida basta nan kier logra,tur hende por ricibi bendicion di Dios, basta nan pidi, bati, y busca , pasobra Dios no ta rechasa ningun hende.
E bondad di Dios ta yega tur caminda, no ta importa na unda bo ta , ni tampoco kico bo ta pasando aden.
Tene cuenta cu hende por ta contra bo,
Famianan por bandona bo,
Amigonan por traiciona bo,
Hasta esnan cu bo a pone bo confiansa den dje por laga bo na caya, pero esey no ta nifica, cu Dios a lubida riba bo.
Dios semper tin un bendicion pa bo,basta abo busca di Dios, Dios nunca ta laga su yuinan bandona, ta nos ta corre bay leu for di Dios, pero Dios semper ta fiel, e ta Soberano,e semper tey pa nos.
Dios semper kier cosnan bon pa nos, pero hende mes ta rechasa Bondad di Dios.
Hopi biaha nos ta mira hende ta trose den un situacion dificil, y nos ta bisa Dios tene misericordia, y berdad Dios tin misericordia, pero hende a aleha for di Dios.
Hende ta biba den un estado di enganjo diabolico, cu nan no kier bon pa nan mes, nan boluntad a baha te na suela, ningun bon decision ta wordo tuma, tur cos ta parce manera bida a caba, pero Dios su amor y su bondad tey pa nos tur, ta nos mester aserca Su trono di Gracia, pa nos ricibi pronto auxilio y ayudo na tempo.
Hopi biaha nos tin cu kibra cu cierto amistad, bandona tradicion mundano, wanta cu orguyo barata, stop di envidia, sinja pordona, pa nos por mira e bondad di Dios.
Hende a cay den e trampa di e malbado , y nan ta rebeldia contra Dios, pero Dios su palabra ta bisa, cu un amor eterno mi a stima bo, pesey mi a prolonga misericordia riba bo bida.
E muher cu tabata sufri 12 anja cu e problema di fluho di sanger a bisa den su mes, si mi mishi cu e bisti di Hesus , lo mi ta sana, y e a haci esfuerso pa yega, pasando door di un multitud, y Hesus a sinti poder sali for di dje, y muher no solamente a wordo sana, pero e a wordo salba tambe.( Marco 5:25-34).
Wow e cos aki ta grandi ora nos por realisa cu e bondad di Dios, tey pa nos tur, cu Su sanacion, Su liberacion tey pa nos tur, cu awe bo por ta abao, pero si bo hisa bo cara na laira, y yama riba e nomber di Senjor E tey pa bo, no ta importa e situacion cu bo por ta pasando aden , Dios tey pa bo.
No sea ganja mi rumannan stima, Tur bon regalo, y tur don perfecto ta for di ariba, y ta baha bini for di e Tata di lusnan, serca Kende no tin variacion ni sombra di cambio.( Santiago 1;7).
Pakico envidia hende, pleita y bringa cu hende, y no tene na cuenta cu Dios tin bo bendicion pa bo, bon prepara y bon midi, y ta abo mes mester yama riba e nomber di Dios.
O, purba y mira cu Senjor ta bon,bendiciona ta e hende cu ta tuma refugio den dj’E. ( Salmo 34;8).
E amor di Dios ta surpasa tur cos, ningun hende no por limita Dios, Dios Su man ta yega tur caminda, y Su bondad ta alcansa tur curason.
Awe ta e dia pa bo bendicion.
Skirbi pa Pastor Marcel Balootje.