Parlamento di Kòrsou den su totalidat a aprobá e proyekto di lei VVU. E proyekto di Lei aki ta duna oportunidat na e empleado públiko baha ku penshun mas promé ku e edat di 65 aña manera lei ta preskribí. E proseso aki pa basta tempu tabata deseo di basta empleado públiko pa asina por yega na e areglo i baha ku penshun mas trempan. Tambe un oportunidat ta wòrdu krea pa gobièrnu reorganisá e aparato públiko ku e meta pa duna mihó servisio i ta mas efisiente na interes di pueblo. Ku e areglo aki lo gobièrnu lo tin un redukshon di gastunan di aparato públiko
Frakshon di MAN ta felisitá minister di BPD sr Armin Konket i tambe sindikatonan ku a traha huntu pa yega na e areglo aki ku lo duna oportunidat na kasi 600 empleado públiko ku tin e deseo di bai ku penshun mas trempan. Tambe nos ta spera ku gobièrnu lo traha riba e trayekto pa e empleadonan públiko pasa nan konosementu ku nan a optené durante di e añanan pa esnan ku tin di sigui traha na bienestar di nos pais.
1 comment