Riba dia dia di Betico nos rumannan di Corsou y Boneiro tambe tabata presente y a bin celebra cu Aruba recordando Historia y libertador di Pais Aruba Betico Croes . Pa gezaghebber di Boneiro John Soliano e ta contento di por ta na Aruba y celebra y compaña e pueblo di Aruba riba un dia asina importante.
E pueblo di Boneiro y e pueblo di Boneiro ta dos pueblo cu semper a biba hopi cerca di otro cu lasonan familiar hopi estrecho. Tanto na Boneiro cu ta na Aruba y cu ta contribui riba e desaroyo di e Pais , pero tambe e Arubianonan cu ta biba na Boneiro cu ta haci mes un cos ta mustra y sinti e lasonan fuerte cu cada pais tin cu otro.
Dia di Betico ta un dia hopi importante pa Aruba y gezaghebber di Boneiro John Soliano ta kere e ta un derecho sagrado di cada pueblo di busca nan libertad y di nan propio desaroyo den e forma cu nan mes kier desaroya nan isla y esaki tin diferente manera y structura cu por desaroya como pueblo , pero e esencia di e dia di Betico ta libertad den mente, den curason cu ta cualkier base di desaroyo sano como pais of un pueblo.
Gezaghebber di Boneiro John Soliano ta contento di ta na Aruba, Aruba ta un pueblo grandi , un isla chikito pero cu un curason cu un mentalidad di bay dilanti. Betico no a traha solamente riba e parti di structura estatal, pero e la duna e pueblo un balor importante pa sigui cu ne den futuro, un balor di sacrificio , disciplina,traha pa loke bo ta kere. Esaki ta e base y ta esun cu mester keda implementa den e generacionnan cu ta bin. Gezaghebber di Boneiro John Soliano ta kere cu e pueblo Arubano tin un bon fundeshi , un bon cas cu e ta biba aden pero e mester cuide y sigui desaroye pa futuro.