Prome minister demisionario Evelyn Wever Croes ta kere cu nos mester separa kico ta politica y kico ta e concepto constitucion di nos PAIS.CU nos Pais a conoce sr Henny Eman como e prome prome , prome minister di Aruba ningun hende no por kita esaki y cu e merece un entiero cu dignidad y digno como e prome prome minister di Aruba despues cu Aruba a haya su status Aparte , ningun hende no por kita esey di dje. Aunke cu e no tabata regla den ley gabinete Wever Croes a regla esaki den ley , sinembargo pueblo di Aruba mester ta consciente pa den situacionnan asina no tin politica, no tin espacio pa politica.
Prome Minister Evelyn Wever Croes ta indica cu e por biba e sentimentonan di perde un ruman paso su persona tambe a perde un ruman y e perdida ey no ta algo facil y ta desea Mike Eman hopi forsa paso e berdad ta cu no ta facil na momento cu ta perde un ruman asina cerca. Berdad ta cu e entiero a pasa , pero e sentimentonan ta fuerte ainda y poco poco lo e pasa , pero loke cu kier bisa cu esaki ta cu tipo di situacionnan asina no ta momento pa haci politica cu ne y no tin espacio pa esey.
Un dia di Betico tambe ta un dia riba politica, e no tin nada di haber cu politica y por mira esaki na unda cu tin parlamentarionan di AVP tabata presente na dia di Betico y e ta algo di aprecia y aki ta caminda cu ta mustra cu e respet ta wordo duna y asina nos como Arubiano cu ta biba riba e pida baranca aki mester biba cu otro y respeta otro, asina nos mester hiba e pais aki padilanti dunando respet na otro.
