Gihae Gymnastics Stichting ta participando na dos competencia Internacional di gymnasia awor na Februari,
Magical Classic Meet y Presidential Classic Meet na Orlando Florida. Tur dos competencia ta wordo reconoci dor USA competition cu ta e Federacion di Gimnasia na Merca.
Den e weekend di 10-12 di Februari nos tin un total di 15 atleta ta competi di Aruba na Magical Classic Meet. E alumnonan ta competi den nivelnan 1, 2, 3, 4.
E weekend di 17-19 di Februari, Nos lo competi cu 24 atleta di Aruba na Presidential Classic Meet. Na e competencia aki nos lo competi den nivelnan 1,2, 3,4,5,7 y 9.
Gihae gymnastics a cuminsa cu baby gymnastics yama kangaroo gymnastics.
Awor nos atletanan cu a cuminsa cu edad di 2 aña ta compitiendo den nivelnan 1, 2, 3 y 4. Y por wak e fruto di e vision ora nos a cuminsa nos scol na 2016.
Nos ta hopi orguyoso y agradecido di e esfuerso y dedicacion di nos coachnan pa prepara nos teamnan. Nos coach di seleccion nacional Jimmy Jose Palma Villegas y headcoach di Gihae Gymnastics Master den educacion fisico y juez di Federacion Internacional di Gimnasia (FIG) Himilce Casares.
Y sigur un palabra di agradicimiento ta bai na tur e mayornan di Gihae Gymnastics cu nan a haci nan esfuerzo pa nan yiunan por participa na e dos competencia aki.