E gobierno di Guyana, cu a yama pa eleccion general riba 1 di september, a declara riba diabierna cu e ta considera cu grave preocupacion e menasa pa paz y siguridad den e region presenta pa crimen transnashonal organisa y narko-terorismo. Door di confronta crimen transnashonal organisa y narko-terorismo den union, nos ta reafirma nos dedicacion pa mantene e estado di derecho y sigura cu e region ta sigui ta un Zona di Paz di e declaracion a agrega.
E despliegue Mericano a haci cu a surgi preocupacionnan ariba un posibel eskalada den e region, unda ainda tin sosten entre algun gobiernonan Caribense pa Venezuela y Maduro. Ademas, algun pais tin acuerdonan di cooperacion cu e nacion sur- Americano pa interceptacion di droga, segun Miami Herald a publica.
Na mes momento, algun ta cuestiona e motibonan di Washington, cu tabata reduciendo cooperacion en cuanto interceptacionnan di Drug Enforcement Administration (DEA) na paisnan incluyendo Bahamas y Haiti, y a pesar di preocupacionnan ariba e subida di crimen violento alcansando record den e region, a hisa e posibilidad cu nacionnan chikito di isla acepta migrantenan di tercer pais deporta for di Merca E militar Mericano ta opera legalmente den awanan internacional dentro di e region y no a viola soberania di ningun nacion, el a agrega. E muestra di forsa Mericano den Caribe a cuminsa esta siman aki manera Pentagon a ordena un skuadron anfibio poderoso y destructornan di armada den Caribe di sur, aparentemente pa realisa operacionnan kontra-narkótiko Mericano. E skuadron y e tres destructor di misil guia di klas Arleigh Burke — USS Sampson, USS Jason Dunham y USS Gravely — ta diseña pa contraresta menasanan di aire, tera, lama y hasta submarino simultaneamente. USS Iwo Jima a sali for di Norfolk Virginia diadomingo.