srta. ruby pouchet korona komo miss bonaire i srta. caroline poras korona komo miss tourism bonaire pa e reinado 2022-2023.Djasabra ultimo na Boneiru a tuma luga e sertamen final di Miss Bonaire na Marriott kamindatres (3) partisipante tabata tin un period largu pa a partisipa na varios training I pasarela pa por a risibi tur e elementonan pa yega na un final eksitoso pa saka un ganado pa representante komo Miss Bonaire pa e reinando di 2022-2023. Srta. Sunniva Manuel C tabata presente pa por a gradisi tur ku a sostene I apoye durante su reinando. E la menshona ku e la representa tur kaminda ku Boneiru a akudi pa laga konose di unda su persona ta bini I kiko su isla dushi tin pa ofrese.
Durante e sertamen final aki di tres (3) partisipante ku tabata kompeti nan nomber tabata: Srta. Michelle Emerenciana representando barrio di Nikiboko, Srta. Caroline Boras representando barrio di Antriol I Srta. Ruby Pouchet representando Playa Pariba.
E kuerpo di hurado kabesa pa Sra. Larra Chirino tabata e persona na kabes ku un kuerpo formal di hurado pa por a skor e sertamen final di djasabra ultimo. Ta tin presentashon di Sr. Luiguino “Luis Moka” Molina ku su aktuashon riba esenario I tambe di Srs. Gerald Alberto I J. Lucas a sa di duna un ambiente fenomenal den sala aya na Courtyard by Marriott.
E final di djasabra anochi ora e maestro di seremonia Sr. Carlton Jansen di Korsou ku a keda invita pa presensia na e sertamen final aki di Miss Bonaire a risibi e envelop ku e resultadonan I premiashonnan pa e varios titulonan resisbi.
Miss Amistad / Sosial Media: Srta. Michelle Emerenciana,Miss Photogenika: Srta. Caroline Boras, Miss Tourism Bonaire nobo pa 2022-2023: Srta. Caroline Poras I naturno Srta. Sunniva Manuel, Miss Tourism Bonaire 2021 saliente a kompaña pa diputado di Tourismo sr. HennysonThielmana korona Boneiru su flamante reina nobo di Miss Tourism Bonaire.
Mas di e premionan ku a keda presenta djasabra anochi a bai pa: Best Interviewed/Miss Culture/Miss Elengance/Best Evening – “Trahe di Gala” Srta. Ruby Pouchet
Finalmente e ora a yega pa duna e toke pa rekonose e reina ku lo hiba e titulo maksimo ku e organishon di Miss Bonaire a organisa. Pa e Segundo Finalisa a resulta: Srta. Michelle Emerencia, PromeFinalista a resulta: Srta. Caroline Poras I ganadora di e sertamen ofisial pa Miss Boneiru a resulta di ta Srta. Ruby Pouchet. Diputado di gobieru pa sekshonTurismo Sr. Thielman a korona Srta. Puchenos flamante Reina di Miss Bonaire 2022-2023. E premio pa e ganado a risibi e regalo bunita di un outo di marka “Changan” for di Dabboussi Motors/Dabboussi Holding pa e por kore (1) un aña largu di su reinando. Srta. Angie Dabboussi representante a hasi entrega di e yabi dje vehikulo ku tabata lusi na entrada di Courtyard by Marriott durante e evenemento ku a keda organisa.
Di parti Notisa 97 un pabien na tur partisipante I na nos flamante Reina Miss Bonaire: Srta. Ruby Pouchet I tambe na Miss Tourism Bonaire: Srta. Caroline Poras I tambe Segundo Finalista Srta. Michelle Emerenciana.
