ORANJESTAD,Aruba
Recientemente Heart-Centered Leadership Foundation a duna un sesion di motivacion titula ‘The Road to Success’ (e ruta pa exito) na alumnonan di examenklas di John Wesley College. Durante 2 sesion, alumnonan di 2 examenklas a participa den forma interactivo, unda a papia tocante kico ta exito y e tiponan di exito cu tin (interno y externo). Despues a guia e hobennan riba e ‘ruta pa exito’ door di visualiza unda nan ta wak nan mes aki 1, 5, y 10 aña door di puntra diferente pregunta. E meta di e sesion aki ta pa pone hobennan refleha riba kico nan kier y con nan lo por
logra esaki.
Heart-Centered Leadership Foundation a wordo funda na 2008 cu e meta di inspira y empodera hobennan pa descubri nan potencial completo. Door di ofrece training, seminarionan, workshops, programanan, coaching y mentoring, e fundacion ta traha riba fomenta un generacion di hobennan cu ta resiliente, respetuoso, y responsabel. Nos programanan ta enfoka riba transformacion di paden bay pafo: reconoce calidadnan cu e hoben ta bon aden, traha riba locual tinco mehora, y fortalese e hoben su caracter pa e por para firme den su sapato.
Pa mas informacion tocante nos fundacion por tuma contacto cu nos na 5841211 of via email na hclfaruba@gmail.com
![Heart-Centered Leadership Foundation Cu Sesion Di Motivacion ‘The Road To Success’ 153 Hclf Trts Jwc 20Jan2020](https://earubianonews.com/wp-content/uploads/2020/01/HCLF-TRTS-JWC-20Jan2020-800x600.jpg)
![Heart-Centered Leadership Foundation Cu Sesion Di Motivacion ‘The Road To Success’ 154 Hclf Trts Jwc 20Jan2020 3](https://earubianonews.com/wp-content/uploads/2020/01/HCLF-TRTS-JWC-20JAN2020-3-800x600.jpg)
![Heart-Centered Leadership Foundation Cu Sesion Di Motivacion ‘The Road To Success’ 155 Hclf Trts Jwc 20Jan2020 4](https://earubianonews.com/wp-content/uploads/2020/01/HCLF-TRTS-JWC-20JAN2020-4-800x600.jpg)
![Heart-Centered Leadership Foundation Cu Sesion Di Motivacion ‘The Road To Success’ 156 Img 4827](https://earubianonews.com/wp-content/uploads/2020/01/IMG_4827-800x600.jpg)