InternacionalFeatured

Kontrakt nobo pa avion i helikòpter di Wardakosta Karibe Hulandes

Ph Cga2...

Wardakosta Karibe Hulandes ta sera kontrakt nobo pa helikòpter i pa e avionnan Dash-8 di patruya. En konekshon ku e kontraktnan ku ta bai vense, a traha ultimo añanan riba ekipo nobo pa akshonnan di rekonosementu aéreo i búskeda i reskate.  Durante e promé kuartal di 2022 e kontraktnan a keda firmá.  

Ku e kompania Kanades PAL Aerospace Ltd i esun Hulandes Jet Support B.V. e kontrakt pa e avionnan di patruyahe Dash-8 ta keda ekstendé. E dos helikòpternan nobo pa search and rescue (SAR) lo keda entregá  pa e kompania Britániko Bristow Helicopters Limited. Ku ambos kontrakt Wardakosta ta sigurá su mes durante e dies añanan ku ta bini di aeronavenan ku sensornan i medionan di komunikashon di haltu kalidat. 

E helikòpternan nobo ta keda entregá, sigun ta spera, den kurso di 2023. E avionnan ya ta den uso, pero promé ku kuminsá ku e kontraktnan nobo e ekipo lo pasa den un modernisashon ekstenso. E ekipo nobo ta hopi adekuá pa tareanan di investigashon, supervishon i reskate  riba laman. Wardakosta Karibe Hulandes ta kontentu ku e kontrakt nobo nan. Defensa su departamentu di Materieel en Organisatie (DMO) a sòru pa e ‘aanbesteding’.

Related posts

Hoben ta perde su bida den un accidente fatal

EA News Author

Henter gabinete Rutte III a tuma retiro

EA News Author

Den hogere beroep na St Maarten a dicta castigo di bida largo y termino largo di prizon pa caso di likidacion

EA News Author

Leave a Comment

Whatsapp Message