La fama a gana S.V Dakota na pinalti 4-2

Den stadion di Frans Figaroa na Noord a tuma luga un tremendo wega entre e hobennan U 15 di La fama y S.V Dakota diadomingo ultimo. Por a tuma nota cu tribuna di ambos team di fanaticonan tabata yen yen y hopi creativo pa a apoya e muchanan. Cada team a demostra nan talento y e hobennan a pone bon wega riba tereno. Esaki a keda demostra cu tur dos team ta mes un fuerte riba veld mirando cu cada un di nan a mantene e wega na 0-0 ta final. Sinembargo na final despues cu a caba di hunga 35min cada banda y e wega a keda 0-0 no a keda nada otro di bay pinalti. Aki ta caminda cu e tensionnan tabata basta halto y na final La fama a gana abase di pinalti 4-2. Dakota a keda na di dos luga pa e tremendo wega cu e keda hunga riba veld di Frans Figaroa na Noord. Pabien na e ekipo di La Fama cu nan Campeon y S.V Dakota cu nan subCampion. Tur dos ekipo a sa di demostra un bon wega riba veld.