Antes alumnonan ta haya tur material na scol , awendia e tin cu Sali for di cartera di mayornan mes, un situacion cu no ta corecto. E tempo cu nos ta bay scol y si nos mester compara cu awo tin un diferencia grandi.
Algun añanan atras gobierno tabata percura pa e mucha haya pen , potlood, schrift y hasta buki pa studia na scol , pero awendia tur cos a cambia e mayornan mes mester percura pa esaki. Esaki ta un situacion cu a pone un peso den e cartera di e mayornan.
E cambionan cu tin pa un mucha por logra studia na un scol na Aruba ta di preocupa. Partido PPA a pone e preocupacion aki como un punto di atencion den e programa di gobernacion di PPA. E programa di gobernacion di PPA ta enfoca pa Aruba baha su gastonan pero realmente na e momentonan aki no ta mira esaki ta sosodiendo.