Prome cu a Sali for di Wilhelmina Park cu tabata un luga simbolico cu a scoge, presidente di Stichting Ranchi Clifford Rosa ta duna di conoce cu ta recorda e 200 aña di TULA cu su landhuis kenepa , pero tambe full e suceso cu a tuma luga.
Hopi biaha nos ta puntra nos mes dicon Aruba ta organisa e tipo di eventonan aki , e realidad ta cu e historia di TULA ta Sali di Corsou , pero e ta continua den e otro islanan. Pesey mes ta mira cu tin e necesidad di tin mas informacion , no solamente di TULA pero e liderazgo y e sistema con pa crea e movecion y haci e impacto pa nos hobennan pa asina e siguiente generacionnan por sigui recorda e historia pero cu tambe mester lanta para pa papia y defende bo derecho.
Esunnan cu no ta lanta y protesta pa nan derecho of pa derecho colectivo e no ta bay. Na momento cu bo ta para individual pa bo propio interes ta algo , pero ora bo ta hacie colectivo TULA a mustra nos tur cu bo mester hacie den un forma strategico y cu hopi otro forsa nan cu ta rekeri sabiduria y conocemento.
Segun presidente di stichting Rancho Cliffor Rosa loke cu ta sigur e curashi ta importante debi cu sin curashi lamentablemente bo no ta logra nada, mester tin curashi pa por haci algo. E caminata pasivo a Sali for di Wilhelmina park y a termina na fortzoutman cu ta un di e edificionan cu hopi cos a pasa den dje cu awe nos sa algun storia pero no ta tur storia nos sa kico tur a pasa den e forti. Si berdaderamente e murayanan por a papia lo awe Aruba y mundo lo sa kico tur nos antepasadonan a pasa aden pa asina awe nos ta existi.