CuracaoPoliticaFeatured

Maneho nobo di gobierno ”sera wowo y tapa orea pa kos robes”

Man Pin

Awe e gobièrnu ‘Di Pueblo i Pa Pueblo’ a skohe pa nan amigunan i no pa salú di e pueblo. Nan
kurason ta bati pa e komersiante i plaka pa elekshon. E lema ‘Di Pueblo, Pa Pueblo i Huntu ku
Pueblo’ a kambia i bira: ‘Pa Kapitalista, Huntu ku Kapitalista i Sirbiendo e Kapitalista’.
MAN-PIN, a tuma nota di anunsionan di minister di Salubridat, Javier Silvania relashoná ku
kontròlnan higiéniko na entre otro restorantnan. “Kon gobièrnu ta kere ku por konfia den un sistema
kaminda un doño di restorant ta paga por paga pa kontrolá su propio negoshi.”
MAN-PIN ta enfatisá ku salubridat i seguridat di un pueblo ta deber di Gobièrnu. E desishon pa
eleminá kòntròl anochi i no ta sera un lugá na momento ku e no ta kumpli ku normanan di higiena ta
nifiká ku ta pone bida hende, di nos pueblo na peliger.
MAN-PIN ta teme ku e maneho nobo di e aktual gobièrnu di MFK i PNP ta unu di sera wowo i tapa
orea pa kosnan robes. “Gobièrnu ta pasa su responsabilidat di kontròl den man di komersio, pero
ken ta kontrolá e restorant ku no ta kumpli? E propio doño di e restorant? Si Gobièrnu kier pone e
responsabilidat bou di Inspekshon mester sòru pa e ta ekipa i no riba papel so. E presentashon di
desishon a lanta hopi pregunta den komunidat pero miedu di ken ta e instansia di gobièrnu ku lo
kontrola higiena i kuida nos salú.

Historia ta mustra ku na hopi okashon a sanshoná sierto restorant pasobra a topa ku un situashon a-
higiéniko. Sea e lugá ta shushi òf a topa ku plaga di djaka, muskita òf kakalaka.

Despues di e suseso den yanüari último, a para sinembargo tur kontròl riba higiena na restorantnan.
Pueblo aparentemente mester aseptá mal estado di higiena den restorantnan pa skapa kara i
reputashon di un amigu den komersio i mundu di restorant.
Ta un tristesa, kon gobièrnu a manipulá e situashon di kòntròl pa eliminá e tim di THZ i
konsekuentemente afektá grandemente e tim Multidisiplinario, ku e maneho nobo di gobièrnu (lesa:
minister Javier Silvania). “Awor gobièrnu ta bisa ku restorantnan mester tin un mènedjer di higiena,
kaminda e restorant mes ta paga pa kontrolá nan mes negoshi. Algu insólito, ku ta na Kòrsou so ta
posibel.”
Esaki ta simplemente un manipulashon, pasobra e realidat ta ku a para kontròlnan riba higiena na
restorantnan. Elekshon ta na kaminda i p’esei mester akomodá finansiadónan di kampaña. “Wie
betaalt bepaalt. Esaki ta e realidat tristu.”
Pa e motibu aki nos frakshon lo hasi pregunta i petishon pa un reunion pa debati ku Gobièrnu riba e
desishon aki kual sigur a kue pueblo for di base.

Related posts

Eman na Rutte na vispera di un Gabinete Rutte nobo: Introduccion di basisbeurs mester conta tambe pa studiantenan di caribe hulandes !

EA News Author

Prome Minister Evelyn Wever Croes lo tin decisionnan clave pa tuma den DIP (Ambtenaar of Pueblo di Aruba )

EA News Author

Accion di limpiesa rond Corsou riba tera y lama ta continua

EA News Author

Leave a Comment

Whatsapp Message