KRALENDIJK, Bonaire
Fundashonnan ku ke pidi supsidio pa aña 2021 mester hasi esaki na tempu. Departamentu di Pòst i Archivo mester risibí tur petishon pa mas tardá djamars 31 di mart 2020. No ta tuma petishonnan pa supsidio ku no ta kompleto òf ku a drenta lat den tratamentu.
Fundashonnan ku a firma un kontrato di kuido ku Entidat Públiko Boneiru mester entregá responsabilisashon di e supsidio ku nan a risibí pa mas tardá 31 di mart 2020 na departamentu di Pòst i Archivo. E responsabilisashon aki mester ta spesifiká konforme e otorgamentu preliminar di supsidio.
Tur direktiva di e fundashonnan ku ta risibí supsidio dentro di poko lo haña un karta ku mas informashon tokante esaki. Pa mas informashon por tuma kontakto ku Shurnalise Wout via 715-5311 òf subsidieOLB@bonairegov.com.
