Minister di Economia, Comunicacion y Desaroyo Sostenibel Geoffrey Wever tambe tabata presente na e evento YES ¡ San Nicolas, un evento cu un sala completamente yen. E Topiconan cu a keda trata ta Economic Development,Sustainable Development,Energy Policy and Innovation, Port of San Nicolas, Adult Entertaiment and Tourism Industry. Minister Wever tabata sumamente contento mirando cu tabatin diferente comerciantenan di San Nicolas y otro academiconan cu tin San Nicolas na pecho. E mandatario a duna di conoce cu e la keda hopi inspira riba e deseo di e comunidad di San Nicolas.
Cada persona por a comparti nan pensamento, preocupacionnan y nan vicion padilanti sin proposito politico , pero cu nan curason pa San Nicolas. Minister Wever ta kere scucha loke un comunidad kier ta importante pa sa mas con nos por guia e desaroyo di San Nicolas.
