Featured Curacao

Wardacosta ta tou botonan


Diabierna ultimo Centro di Rescate y Cordinacion di Wardacosta a risibi un notificacion via VHF canal 16, di un boto ku tawata tin problema. E capitan a notifica ku su boto di piscado tawata tin problema y ku e no por a sigui nabega. RCC mes ora a informa steunpunt Aruba, ya asina por a sali un Metal Shark, ku a bai na localidat di e boto Mishaili.

Una bes ku a yega na e localidat di e boto, e boto patruyero Metal Shark di Wardacosta a tou e boto y a nabega den direccion di Pir na Bali, caminda Mishaili por a mara ku siguridat. Na yegada na Pir na Bali e agentenan di Wardacosta a eherse un control rutinario riba e boto di piscado.

Ayera tambe RCC a risibi un notificacion di e boto piscado Joandra, ku tawata tin problema ku su baterianan. Un Metal Shark a bai nabega banda di Joandra y a tou esaki y nabega den direccion di Spaanslagoen Rancho Carion. Na yegada na Rancho Carion e agentenan di Wardacosta a eherse un control rutinario riba e boto di piscado.

Wardacosta ta avisa doñonan di boto pa hasi mantencion regular na nan botonan. Pa nan propio seguridat na bordo mester tin: sufisiente chaleco di salbabida, un flashlight ku bateria y un pitu, un EHBO kit, sufisiente awa, aparato pa paga candela, VHF radio of un cellular full di charge. Evita e chens di un accidente of situacion peligroso riba lama kubo boto of seadoo. Den caso kubo mester di yudansa bo por yama Wardacosta riba 913 of e whatsapp number 005999 510 0913. Gosa di lama y beachnan na un manera safe.

Related posts

Impresionante competencia di baile escolar di We Aruba 2022, Aruba tin talento!

EA News Author

Sr. Miguel J. Mansur Lider di Fraccion ACCION 21 : Integrantenan di Gabinete Wever-Croes II a keda anuncia

EA News Author

Lider di fraccion di AVP Mike Eman Discurso di Gobernado ta hopi distancia di realidad penoso cu pueblo ta biban

EA News Author

Leave a Comment