PoliticaFeatured

Minister President y Minister Maduro a reuni cu CAFT riba e situacion financiero di Aruba

Reunion Cui Caft 031

Minister President y Minister Maduro a reuni cu CAFT riba e situacion financiero di Pais Aruba. A repasa informacion di, entre otro, presupuesto 2021, cuentanan anual 2016, 2017 y 2018, y e condicionnan pa sosten di likides.

 

Presupuesto 2021

E crisis di COVID19 ta afecta nos Pais den diferente manera y esaki ta trece cune cu e trabounan pa sera e Presupuesto pa nos Pais pa 2021 ta sufri retraso. Den tempo di crisis ta bira mas dificil pa plania y sigur e crisis sin presedencia di COVID19 aki a pone cu e presupuesto pa 2021 no por a keda entrega promer cu 1 di september. Minister Xiomara Maduro a informa CAFT cu pa comienso di december e Presupuesto di nos Pais lo por yega Parlamento pa su tratamento. E mandatario ta spera cu pa promer cu 15 di december ya CAFT por tin un bista con Presupuesto 2021 lo ta hinca den otro.

 

Cuentanan Anual 2016, 2017 y 2018

Minister Xiomara Maduro a informa CAFT cu e retraso den entrega di cuentanan anual a keda atendi y Parlamento ta pendiente e debate publico pa trata e Cuentanan Anual di e añanan 2016, 2017 y 2018 den luna di november.

Condicionnan pa sosten di likides 

Minister President a splica CAFT unda Aruba ta para den e negosacion cu Hulanda. Falta algun detaye ainda pa keda cla, pero ta hopi serca di finalisa e negosacion na bienestar di Aruba.

Reunion Cui Caft 06Reunion Cui Caft 04Reunion Cui Caft 05Reunion Cui Caft 031Reunion Cui Caft 03Reunion Cui Caft 02Reunion Cui Caft 01

Related posts

Minister Glenbert Croes: Minister di energia Glenbert Croes ta na spaña pa concretisa plannan relaciona cu e Aruba Fydrogen Valley

EA News Author

Investigashon detenshon empleado di KPCN

EA News Author

Minister Thijsen invitado special na Zomercarnaval di Rotterdam

EA News Author

Leave a Comment

Whatsapp Message