E Ministerio di Enseñansa, Kultura, Hubentud y Deporte a lansa un proyecto piloto di Entrenamento di Resolucion di Conflicto (CRT) cu e meta pa atende e aumento di violencia entre studiante na scolnan. E proyecto, lidera pa e Division for Educational Innovation (DEI), ta reuni educadonan, studiante di prome aña di scol secundario y nan mayornan, pa crea un ambiente di siñansa mas sigur y sostenibel.
E entrenamento aki ta responde na e aumento di violencia estudiantil, incluyendo pelea, bullying, intimidacion, interupcion di klas y cyberbullying, manera documenta den rapportnan reciente di UNICEF y di e Tribunal di Tutele. E proyecto piloto CRT tin como meta pa fortalece siguridad scol, mehora bienestar di studiante y duna educadonan e herment nan mester pa preveni y maneha conflicto di manera mas efectivo.
E prome siman di entrenamento, cu a tuma luga na Sundial School y cu tabata facilita pa consultor regional di desaroyo di hubentud, señora Dwynette D. Eversley, a reuni 15 educado di Sundial School, St. Maarten Vocational Training School y St. Maarten Academy Vocational Business Campus. E programa ta introduci un enfoke di sistema completo, basa riba mehor practica global, incluyendo Siñansa Social y Emocional Comunicacion no violento, desaroyo positivo di Hubentud, cuido sensitivo na trauma y practicanan restaurativo, cu e proposito pa promove comunidad scol mas pacifico y sostenibel.
Durante e siman, educadonan a discuti e reto significativo cu nan ta enfrenta y a yega na consenso cu tur personal di scol, no solamente maestronan, tin un rol importante den transforma cultura di scol pa pas y respet. Partisipantenan a analisa factornan socio -ecologico cu ta influencia comportamento di hubentud y a resalta e importancia di mas participacion di mayor, politiconan consistente y un enfoke unifica entre scolnan. Entre e resultado principal tabata un acuerdo riba un Safe Space Charter comparti y un sistema standard di referencia di studiante pa garantisa cu studiante cu mester sosten ta ricibi asistencia na tempo.
E CRT ta alinea cu e Youth Monitor nacional, cu lo wordo uza pa evalua clima di scol y sigui impacto di e programa. Den e siguiente fase di e iniciativa, studiante nan mes lo yuda crea e Safe Space Charter, mientras nan ta desaroya habilidad nan di liderasco,instrumento manera registro di mediacion y peace scorecards.
E prome siman a cera cu un sentido di optimismo renoba entre educadonan, cu a expresa nan compromiso pa traha riba scolnan caracterisa pa cuido, respet y relacionnan positivo. E programa di largo plaso lo sigui te na 2026 y ta sosteni pa un team di consultornan cu hopi experencia den prevencion di violencia hubenil den Caribe.
Cu e cuminsamento di siman dos, e enfoke ta pasa riba participacion directo di studiante y un tayer pa mayornan, pa asina garantisa cu tanto alumno como famia ta hunga un rol activo den crea un ambiente scol mas sigur y sostenibel. E fase aki lo wordo lidera pa Director di Caribbean Associates for Life Skills, Mediation and Management, señor Marlon Bascombe, y Social Impact & Grant Strategy Training Specialist, señor Kwasi Cudjoe. Nan lo guia studiante di Form One dor di actividadnan diseña pa fortalece liderato, crea hunto e Safe Space Charter y mas profundo un cultura di pas den e scolnan piloto. Instrumentonan nobo manera peace scorecards, registro di mediacion y acuerdonan entre mayor y studiante lo yuda scolnan documenta progreso y sigui refina nan enfoke.
E Division for Educational Innovation (DEI) ta un division den e Ministerio di Enseñansa, Cultura, Hubentud y Deporte, dedica na promove calidad di enseñansa na Sint Maarten. DEI ta diseñá y implementa proyectonan cu ta fortalece siñansa, proceso di siña y bienestar di studiante, cu un enfoke riba innovacion den tur e sistema educativo.