E situacion den Parlamento di Aruba ta escala, caminda miembronan di oposicion ta categorisa e maneho actual como un “dictadura” y ta solicita un intervencion directo di Gobernador di Aruba pa restaura e democracia parlamentario.
Ex presidente di parlamento Edgar Vrolijk di oposicion actual a subraya cu, den e historia di Aruba, semper a respeta e derecho di miembronan di Parlamento pa yama reunionnan pa debati riba temanan crucial, manera presupuesto y otro asuntonan di interes publico. Sinembargo, e situacion actual, caminda peticionnan di 10 parlamentario ta wordo ignora, ta wordo describi como un kiebro serio di e derechonan constitucional.
Defensa di e minoria y e derecho na reunion
E orador a recorda cu den pasado, e mesun partidonan cu awe ta den gobierno, tabata exigi y ricibi e mesun derechonan aki ora nan tabata den oposicion.
- Derecho Democratico: segun e Reglement van Orde, Parlamento tin e obligacion di yama un reunion dentro di 30 dia despues di un peticion formal di tres miembro of mas.
- Falta di Quorum: E critica principal ta dirigi riba e hecho cu e coalicion actual ta uza nan mayoria pa nenga quorum, stroba e reunionnan y consecuentemente, silencia e bos di e representantenan di pueblo, pero basicamente ta silencia e pueblo di Aruba.
- Igualdad den Parlamento: “Aunke bo ta uno… bo mester tin e derecho pa entrega of pa haci bo trabou,” e orador a enfatisa, indicando cu e opresion aki ta inaceptabel den un sistema democratico.
Un apelacion na Gobernador como “Bovenaak” di Democracia
Debi na loke nan ta considera un impasse democratico, e fraccionnan di oposicion a manda un carta oficial pa Gobernador di Aruba. Nan ta argumenta cu Gobernador, como cabes di gobierno y defensor di e Constitucion, tin e deber di percura pa e leynan y e derechonan di e parlamentarionan wordo ehecuta debidamente.
“Gobernador no por keda para mira… e tin cu step up como e watchdog di democracia di pais Aruba,” e orador a declara. E apelacion aki ta basa riba e idea cu Gobernador mester interveni ora cu e derechonan constitucional di e parlamentarionan ta wordo mishi Aruba ta den peliger pa e coalicion gobernante actual.
Conclusion
E oposicion ta keda firme den nan posicion cu e falta di reunionnan publico ta un “berguensa” y un mal uzo di poder. Nan ta spera cu e intervencion di Gobernador lo hiba na un resolucion caminda e debatenan den Parlamento por continua di un manera transparente y husto, respetando e schedule y e bos di tur e miembronan electo.
Mientras tanto carta a bay pa gobernador