Local

Museo Cas Tan Tin cu Feria di Rey 2022


Diaranson 27 di april 2022, Museo Cas Tan Tin na Pos Abao 19 ta tene e feria crioyo dedica na Dia di Rey 2022. E ta un dia di famia for di 12:00 pm te cu 9:00 pm. Tin wega pa mucha, tentnan di cuminda tipico, hopi musica, baile y benta di mata, buki, boca dushi, souvenir, facepainting, juice di tamarijn y e splicacion di e bida y custumbernan den Cas Tan Tin. 

Den e 20 tentnan lo tin cuminda tipico manera cabrito-, galiña-, papaya stoba cu pan bati, sopi carni y galiña. Tambe boca dushinan bolo, cuki, tert y e famoso frio den 4 sabor. Algun wega pa mucha cu tin ta competencia di auto Matchbox, grabbelton, sjoelbak, tira bleki y mas. 

Musica ta den man di Robert Maduro y banda AZUCAR, Caha di orgel “El Diamante”, John Paul Rapista, Reno Steba y banda,  Gucci Dancers. Fundacion Mi Cutisa, conoci pa su eventonan dushi y unico,  ta invita Aruba pa celebra Dia di Rey 2022 cerca nan.

Related posts

Aruba tin un di e miho bientonan na mundo

EA News Author

Aruba ta sigui progresa: Durante juli aruba a ricibi 100.178 bishitante retonan actual por conduci na reduccion

EA News Author

“Experiencia e diferencia den educacion cu SKOA”

EA News Author

Leave a Comment

Whatsapp Message