Local

Sabiduria den nos Alegria: Ruthy”Lady Ruth” Vrieswijk-Bergen

Sabiduria Den Nos Alegria.33

Dia internacional di lenga materno a bin bay. Pero ela laga “footprints” di amor y creatividad  atras e biaha aki den mas di 30 bunita cuadra pinta pa alumnonan di klas 6 di algo mas cu 30 scol, di SKOA y DPS.( Stichting Katholieke Onderwijs Aruba y Dienst Publieke Scholen).  

E atencion a wordo poni cu hopi luz ariba nos dichonan, nos proverbionan y nos expressionnan.

Y tur eski por wordo admira den e exposicion habri actualmente na Unoca den Stadionweg durante oranan di oficina of segun citanan hasi cu e team dinamico di Unoca. E exposicion aki por a wordo realiza danki na e cooperacion di Unoca, Unesco, FLP y Gobierno di Aruba. A parti pa e scolnan menciona un caha di traha, un caha conteniendo un canvas y tur material necesario pa a pinta un obra pa cada scol nan “6e klas”. Na algun scol un alumno so a pinta e cuadra y na otro scolnan nan a pinta of den gruponan chikito di 3 of 4 mucha of hasta algun gruponan mas grandi, cu tur cooperando cu nan ideanan y colornan pa a forma nan cuadra unico y expresivo den un dicho, un proverbio of un expression na nos dushi  idioma, nos lenga materno Papiamento. Un bunita anochi di apertura di e expo aki cu presencia di nos bunita Ministro di Cultura Xiomara Maduro, bisti tropicalmente den un bunita bistir color cora, e color di amor , nos ministro di Ensenjanza ,e cabayero Endy Croes, un representante di Unesco , e presidente di FLP ( Fundacion Lanta Papiamento) y e director di Unoca mes den persona di e hende muhe inspira cu a traha riba hopi projectonan e.o.  nos dushi Dande tur fin di anja : lieve Ray-Anne Hernandez.  E “speechnan” teni tawata bunita, interesante, inspirativo y berdad. Nos tin un dushi lenga materno cu no por pega sonjo. E mester keda spierta, atento y bibo. Lady Ruth a topa cu hopi di nos dushi hendenan cu tin nos lenga materno na pecho, e.o. Ramon Todd  Dandare, Astrid Britten di Biblioteca Nacional Aruba, Stan Dabian cu pa hopi ainda ketobay ta e cara y curason simbolico di Departamento di Cultura, awor gozando di su penshoen, pero activo den un of mas organisacion of fundacion. Nos no por a keda sin saca potret cu Lieve mooie Olivia Figaroa, ketobay conosi tambe como e cara y curason di Biblioteca Nacional , aunke e tambe ta cu penshoen awor, pero , tambe activo den un of mas organiscion y of fundacion aki na Aruba, entre otro, e ta na cabes di e dynamico team formando e direktiva di Unoca, un hende muhe fuerte y inspira serio, cu sabidiuria  den locual e ta hasi, pero cu gran sentido di humor, ora di algo pret cu harimento sin fin, Olivia ta hari te hik of te pega den, manera un di e dichonan of ta proverbionan tawata bisa den un di e cuadranan den e exposicion. Olivia, un di nos dushi hendenan cu tambe ta stima su isla, su famia, su cultura y  su lenga materno. Lady Ruth ta tribi yama Olivia  e morocho simbolico di Astrid Britten di BNA, kende tambe tin un hari contagioso yen di alegria. Pues nan ta morocho den nan alegria di harimento ! Hunto cu Lady Ruth ta forma e trio di alegria den harimento. Cu un danki na e demas miembronan di e team di Unoca, Lucacio , Marisol y Josephine cu ta hasiendo e trabaonan cu Melany dfm a hasi y “Josie” ta traha  tambe cu hopi amor y carino. Nos sa cu nos tur ta unico y nos tur ta hasi nos best den tur cos, sembra bon pa e cosecha tambe ta bon. Lady Ruth no por a keda pa e charla duna despues den patio di Unoca e anochi aki,( despues di e speechnan y algo dushi di come y bebe,) , pa motibo di otro compromiso, pero, ta sigur cu tur a bay cas cu mas aprecio y mas amor pa nos lenga materno Papiamento. Pabien ainda Aruba cu nos lenga materno. E fecha di 21 di Februari mes a pasa, pero , nos ta sinti, papia y biba nos idioma tur dia ! Y manera nos flamante y carismatico ministro Xiomara Maduro ta bisa :” Cultura bo tin cu sinti’e y bib’e. Y nos Papiamento tambe !  

Pordona Lady Ruth, ora e no ta skirbi tur palabra tin biaha correcto, pero , su curason ta na e bon lugar. Y….e ta sigui expresa su mes, canta, reza, combersa etc. den nos DUSHI PAPIAMENTO. 

E siguiente poema cortiko di Lady Ruth :

21 FEBRUARI  DIA  DI  LENGA  MATERNO

Dia di lenga materno caba ?

No tin awa pa laba !

Nos dushi Papiamento

Lanta, spierto y atento

Pabien na tur cu ta papi’e y expres’e

Pabien na tur cu ta defend’e y elogi’e

Un dia pa reflexiona y celebra

Nos lenga materno hamas lubida !

Sabiduria Den Nos Alegria.66Sabiduria Den Nos Alegria.3Sabiduria Den Nos Alegria.2Sabiduria Den Nos Alegria

Related posts

Parlamentario Endy Croes: Pueblo cuestionando Ministerio Publico formal Casonan di corupcion di AVP manera IBIS-Aveztruz-Wasmachine y Bo Aruba ta manera den recess

EA News Author

Ta nos tur mester bringa covid si nos kier sali cu exito for di e crisis aki

EA News Author

Waf’i Rancho: Un discusion sin sentido

EA News Author

Leave a Comment

Whatsapp Message