Por spera hopi awa seru den oranan binidero. Ta pidi un i tur pa tuma medidanan di prekoushon paso den oranan binidero KNMI a pronostiká hopi awa seru mas pa Boneiru. Ya kaba tin diferente kaminda ku tin molèster di awa seru. Outoridatnan ta hasiendo esfuerso pa yuda kaminda por ku entre otro saku di santu. Ta bon pa pone outoridatnan na altura unda tin molèster pa asin’ei por duna ayudo dirigí.
KNMI ta atvertí pa tene kuenta ku awa seru ku ta bini for di direkshon di Venezuela. Esaki ta trese kambio di direkshon di bientu. Ora di yobida bientu por kambia bini di sùitwèst i por yega un velosidat di mas ku 10 nudo. Ta atvertí doñonan di boto chikitu pa tuma prekoushon. https://www.knmidc.org/weather/bonaire/?Warnings
Na Boneiru ta pidi pa tuma prekoushon pa hopi awa seru
