Featured Politica

Negosacionan dudoso lo por tin consecuencianan devastador pa WEB N.V.


Nos tin un gobierno cu no tin interes general di nos pueblo na pecho. Nos tin un gobierno cu enbes di construi ta destrui. Unda nan pone nan man nan ta hasi daño. Aruba ta den un crisis economico cu no por permiti nos bay den aventura cu compania sospechoso. Nos a yega na un cruzada cu mester pone un stop na aventura  pa evita cu ta perhudica nos pueblo en general. Locual cu Aruba ta pasando aden ta locual cu Venezuela a pasa aden cu e supuesto socialista di siglo 21. Awe nos por mira e situacion di nos bisiña.

Nos compania WEB NV no ta pasando den un bon tempo paso no a hedge cu consequencia cu nos tur tin cu biba cu aumento di prijs di awa y electricidad. Un aumento cu sigur ta pisa den nos tur nos cartera. Esaki sigur ta mal maneho di nos gobierno. Ora nos tende awe di aventura di Eagle LNG nos mester conclui cu atrobe ta interes personal ta bin na prome lugar. Abogadonan mes tabata contra di e negosacion cu Eagle LNG y a bandona e negosacion. Nos no mester lubida pakicoo directornan mester a move pa e deal wordo cerra cu Eagle LNG. 

WEB NV tabata tin un plan bon hinca den otro cu lo tabata na beneficio di nos pueblo. Na maart 2021 a pone un stop pa a hinca Eagle LNG den wega. Eagle LNG lo bay sali mas caro cu e compania cu WEB N.V. tabata handle cu n’e. Un berguensa pa nos gobierno cu ta forsa WEB N.V.  deal cu Eagle LNG.  Nunca WEB N.V. tabata tin contract di duracion di 20 aña cu un compania. 

Nos parlamentarionan cu a apoya e deal cu Eagle LNG, sin a haya e oportunidad pa waak e contenido di e deal, mester sconde nan cara paso nan sigur no a sali na defensa di nos pueblo sino a prefera dy defende interes di otro hende. Cu ki cara boso por bai cana den pueblo y pidinan nan confiansa un biaha mas. 

Utilities mester keda leuw for di e proyecto di molina di biento. Decision aki no ta sano pa nos compania WEB N.V. mucho menos na interes di pueblo. Ki mishi un hende cu a hasi audit den nos compania di WEB NV bay lanta un compania pa despues bin destrui nos compania di awa y electricidad. E manera di negocia cu hendenan dudoso ta lanta hopi sospecho y mas ora cu ta forsa pa e deal aki bay door.  

Esaki mas cu nunca ta e motibo pakicoo pueblo mester corre cu e gobierno comunista aki den e siguiente eleccion. Un gobierno cu ta atrapa derecho di nos pueblo. Un gobierno sin integridad y cu no tin bienestar di nos pueblo na pecho.  Un cos ta sigur tur esnan cu ta sinta den e stoel di autoridad pa hasi bon y bo no ta hasie bo ta pasa pa forma parti di maldad. Tene bon na cuenta cu bo tin cu duna cuenta na Dios. Si bo ta yama pa hasi bon y bo no ta hasie ta pica. A yega e momento pa nos salba Aruba. Un gobierno husto ta un gobierno cu ta honra Dios.

Related posts

Tin uniform nobo pero Uniform tradicional no lo keda elimina

EA News Author

LabHOH awo tambe specialisa den test mucha pa covid-19

EA News Author

Na Corsou a traha riba trayecto pa alivia algun grupo vunerabel

EA News Author

Leave a Comment