Featured Deporte

Dyane Wiersma (AVB) Banda di Women’s Football Coordinator tambe lo fungi como FIFA Programme Coordinator


Dyane Wiersma miho conoci como “Bala” no ta un desconoci den mundo di Futbol Femenino. Dyane a inicia cu futbol na Aruba como hungado di S.V. Britannia representando Aruba varios bes como hungado y capitan di seleccion Femenino. Despues di studia y completa su estudio na Hulanda a regresa Aruba. Dyane a traha algun aña den mundo di hotelero y despues a cambio di carera pa asina traha den mundo di futbol.

Dyane a inicia su carera cu Arubaanse Voetbal Bond na september 2020 como Women’s Football Coordinator. Despues di algun tempo den funcion, sigur por a nota logronan internacional di Girls U-14/U-15 y desaroyonan positivo pa locual ta futbol femenino.
Pa e tremendo trabou cu su pesona ta bin ta haci y basa riba recomendacion di Concacaf Sr. Jordan, Dyane Wiersma ta ricibi un tarea adicional riba su function como “FIFA Forward Programme Coordinator”. Dyane su tarea lo ta pa coordina hunto cu FIFA fondo y proyectonan cu lo ta na bienestar di futbol, trahando di serca cu tur departamentonan di AVB pa asina nos por desaroya futbol den su totalidad.

Dyane su meta ta pa sigui engradece futbol femenino, brinda mas oportunidad nan pa mas ser femenino den futbol, crea embahadornan femenino cu lo por sigui traha hunto pa engrandece futbol di damas. Pa locual ta trata FIFA Forward Programme, Dyane lo bay atende cursonan brinda door di FIFA pa asina por siña di serca e oportunidadnan cu esaki ta brinda na nos futbol.

Related posts

Ora algo no sali na fabor di Minister President e ta keto riba e asunto of ta troce informacion

EA News Author

Cuerpo Policial Aruba a despedi di Sir. Jose “Chaco” Cornelio

EA News Author

SABIDURIA DEN NOS ALEGRIA Skirbi pa Ruthy ‘Lady Ruth’ Vrieswijk-Bergen

EA News Author

Leave a Comment