Local

No tur cos ta facil


Diahuebs merdia Gobierno di Aruba representa pa Prome Minister di Aruba, mr. Evelyn Wever-Croes hunto cu Minister di Integridad, Ursell Arends, a tene un conferencia di prensa pa informa tocante algun decision tuma relaciona cu e reforma fiscal. Den esaki nan a anuncia cu a para introduccion di BTW per 1 januari 2023 y lo reemplasa esaki cu un aumento den tarifa di BBO pa 2023. Ta premira cu e aumento aki lo ta entre 1 pa 1.5% extra riba e 6% cu tin actualmente. Según prome minister a enfatisa, a tuma e decision aki despues di a tene reunión cu gremio y tambe algun otro partner strategico di comunidad.

ATIA, como representante y voz di comercio y su miembronan, ta desmenti e ponencia aki y kier clarifica cu ATIA ta pro BTW. Ya ta pa algun tempo caba cu ATIA a bin ta adverti Gobierno di Aruba cu nan ta tardando cu nan decisionnan relaciona cu introduccion di BTW.

Un aumento den BBO mas cu claro ta un solucion facil, pero no ta locual ta corecto. Mester considera cu esaki lo traduci den cu e cumplimento di pago di belasting lo reduci, cu consecuencia significante pa esun nan cu ta paga nan belasting debidamente. Pues, en bes di a introduci, manera priminti, un sistema di impuesto simpely indirecto, a opta pa aumenta BBO, hustificando esaki cu e efectonan inflatorio di un introduccion di BTW.

Un biaha mas ATIA ta cuestiona cierto decisionnan di gobierno y alabes ta di opinión cu gobierno no ta cumpliendo cu locual a anuncia desde un principio y cu locual ta stipula den e Landspakket firma cu Gobierno di Hulanda

Related posts

Parlamentario Alan Howell: Battata Beach Bar & Food a habri su porta na e beach di Cura Cabay/Zeewijk

EA News Author

LA PUERTA….awor disponibel na Aruba!

EA News Author

Pronostico di tempo diabierna 08 di april 2022

EA News Author

Leave a Comment