E maneho structura di cobransa di boet cu e team “PBB” (Pago Bo Boet), den cooperacion cu CEA y polis di frontera, a duna tremendo resultado financiero den 2025. OM a logra un aumento den recaudacion di boet, yegando na un suma total di Afl. 5,592,494.34. Esaki ta un aumento di mas di un miyon florin compara cu aña 2024, mandando un señal fuerte na comunidad cu castigonan ta wordo cobra y ehecuta. Den area di Afpakteam, a confisca mas di 5.6 miyon florin den asuntonan di labamento di placa y daño sufri.
Sinembargo, e relato ta mustra un problema serio den e area di detencion. Maske tin 48 persona condena (asina yama vrije-voeters) cu mester a drenta prison pa sinta nan castigo di prison, den practica tabata imposibel pa aresta y hinca e personan aki debi na e falta di capacidad y espacio structural den prizon di KIA. Riba tereno di gracia (gratieverzoeken), a drenta 3 peticion oficial, di cual Gobernador a desaproba dos y OM a duna un conseho positivo pa un di nan .