Featured Local

OM ta confirma caso Aloe


EA News a bin ta informando pueblo di un caso nobo cu Ministerio Publico y Landsrecherche ta investigando. E ta un caso, confirma door di vocero di Ministerio Publico, cu ta hiba e nomber di Aloe.

A haya confirmacion di e inval aki na DIP unda cu a confisca computer pa analisa informacion. EA News  por compronde cu e investigacion ta practicamente na su final y na unda cu ya caba landsrecherge a entrega algun di e articulonan  cu a keda tuma den beslag bek. E investigacion aki a start despues di hopi keho riba e maneho cu ta keda hiba, anti pueblo pero tambe un maneho unilateral di parti di e director.

Pa colmo a bin ta pagando un tal Sjak Shie cu ta un advisor di Gobierno den DIP, pero cu te aworaki ta problema so el a causa pa Gobierno. Diferente comerciantenan caba a expresa nan malcontento na e ministernan concerni y otronan a haya nan mes ta cana e caminda legal, di Corte, pa por haya contesta riba nan peticionnan. Sinembargo pronto e lo no t’ey mas na DIP ya cu su contrato a vence y door di e condicion pa baha gastonan, e no lo por cay mas den e presupuesto mirando cu alrededor di 10 mil florin pa luna riba e presupuesto di e bureau di minister di infrastructura e tempo ey minister Otmar Oduber, awor cu su salidad di DIP  e peso di e suma ey no lo tey mas. Sinembargo e problemanan cu el a causa lo keda pendiente, den scoochi di Gobierno.  Esaki ta comienso di e parti di vicion di baha gasto di gobierno entrante.

E maneho di director di DIP, segun e empleadonan ta laga hopi di desea. Un maneho cu ta bay totalmente loke ta stipula pa e forma con Gobierno saliente tabata kier pa e situacion ta. Por corda ainda un declaracion polemico di dje, ora cu el a bisa cu pa mei di aña pasa pais Aruba lo no tin tereno disponibel mas pa su ciudadanonan y cu lo mester cuminsa construie bay halto. Un declaracion cu a causa un disgusto. Sinembargo por a tuma nota den otro medionan cu un tereno a keda otorga na un localidad prime. Violando tur e maneho stipula actualmente di (FCFS) First come First serve.

Aruba ta den un situacion unda mester di mas inversion pa yuda e economia draai. Comerciantenan sinembargo no a haya e cooperacion aki y mester pasa den un burocracia na momento di acudi na DIP. Ta pone un serie di condicion cu mester cumpli cu nan, pero asina mes cu ta cumpli, no ta haya tereno. Inversionistanan ta haya nan mes obliga di gasta placa pa bay Corte y pone Gobierno cumpli cu nan. No solamente mal gastamento di placa, pero tambe  oportunidadnan perdi.

Dos funcionario halto den DIP cu a hiba un maneho cu a laga cara di e departamento y di Gobierno na berguensa. DIP ta un departamento di Gobierno unda cu loke a keda stipula den e Acuerdo di Gobernacion mester keda ehecuta. Sinembargo ultimo tempo a  bin conclui  cu DIP ta un isla riba su mes unda cu e director ta tuma decisionnan unilateral.

Tur esaki a trece un frustracion bou di empleadonan cu na mas cu un ocasion a expresa nan malcontento na Gobierno y prome minister, inclusivo a tene accion di protesta. E pregunta ta kico ta bay keda  haci awo? Gobierno nobo lo sinta, pero tanto e pueblo como inversionistanan kier sa si nan no ta bay haya nan mes den e mesun situacion atrobe.

E holor di Aloe ta stinki debi cu ta hopi ta e preguntanan ta dicon e director no a keda manda cas mirando cu tabatatin investigacion serio bao di su maneho.  Ta bisto cu e director no a keda trata igual cu e otro trahadornan cu si  mester a bay cas durante investigacionnan cu a tuma luga. Na Aruba lo ta hopi importante pa implemente ley pa un ley pa tur. E pregunta ta kico ta bay pasa awo ?

Den e di dos parti EA News lo trece padilanti diferente terenonan huurgrond cu no a pasa e proseso di First come First serve  unda cu un guyanes a ricibi un tereno extramadamente grandi  den huurgrond unda cu tin Arubiano nan jiu di tera wardando varios anja pa yega na remarca. Esaki ta muestra cu e director su maneho no ta conforme e maneho stipula pa ley. Sinembargo tur e desaster cu e director aki  a haci y ta haciendo ainda na pais Aruba, e no tin etica pa tuma su retiro mirando cu e ta un berguensa pa pais Aruba trahando contra di su propio hendenan. EA News lo bin cu tur informacion di e mal maneho aki.

Related posts

Fiesta na cas a keda un trauma pa un mama hoben cu ta pidiendo pa husticia

EA News Author

Minister Chris Romero : Cu tur conseho cu a bin a traha un consepto cu nos tur por biba cu ne

EA News Author

Kayak for nature Pa concientisa y protehe nos naturalesa

EA News Author

Leave a Comment