ACE Foundation ta lansá pa segundo bia e proyekto `CAREER`: OTRO LEVEL ku lo
kuminsá den luna di febrüari 2026. Durante e periodo di febrüari te ku aprel 2026, sinku
kantante, un produktor i un tekniko lo haña e oportunidat pa desaroyá nan talento musikal i
traha riba un karera profeshonal. Esaki ku enfasis riba e sektor di entretenementu pa resort i
hotèl.
E programa ta kontinuashon di e promé edishon `From Passion to Profession`, kaminda tres
artista hóben a haña guia intensivo for di oudishon te ku konsierto final. Basá riba e bon
resultadonan, ACE Foundation a opta pa ekspandé e inisiativa i ofresé un trayekto mas amplio.
E trayekto ta enserá guia individual, workshop i eksperensia práktiko. Tur esaki bou di guia di
profeshonalnan lokal i regional manera e.o Nathan Senchi , Clay Davelaar, Ito Martis, Shaylesh
Sewtahalsing I Luis Moka.
Partisipantenan lo risibí entrenamentu den abilidat tékniko, presentashon riba esenario i
abilidat di negoshi manera e.o merkadeo, i maneho di media sosial. Edat pa partisipá ta 18 aña
bai ariba.
Bo tin talento,disiplina I ta motivá pa hiba bo talento musikal na OTRO LEVEL? Inskribí na
otrolevel.career@gmail.com promé ku 20 di febrüari.
Pa mas informashon por tuma kontakto ku Nathan Senchi na +599 7959943, Clay Davelaar na
+599 7775595