Politica

Pa garantisa un Aruba sigur mester inverti den cuerpo policial


Tur dia mal noticia ta resona. Parce cu intencion di Dios ta pa deshasi di e scuridad cu ta domina nos bida. Nos cuerpo policial no ta pasando den su miho tempo.  Esaki sigur ta hasi hopi dolor den nos comunidad paso polis mester ta un ehempel den nos sociedad. Polis t’ey pa mantene orden publico y mester por tin confiansa di nos pueblo. Despues cu nos tabata tin noticia desagradabel di nos hermana isla Curacao a toca Aruba.

Despues di Status Aparte ora cu hopi hende a bandona nos isla paso no tabata mira futuro, 186 polis cu a kere den nos isla na aña 1986. Polisnan cu a sacrifica y entrega parti di nan salario, prima di vacacion y solidariteitsbelasting 8.2% a sigui lucha y a carge e cuerpo den momentonan dificil. Nos tin sigur cu hopi awe tin un dolor den nan curason pa locual cu ta pasando den nos cuerpo. 

Gobierno tras di gobierno no a sa di valora nos cuerpo policial. Ora nan sinti nan menasa mesora nan ta acudi na nos cuerpo, pero no tin oido pa e necesidadnan basico di polis. A basha entre otro e warda di polis Oranjestad abao y te dia di awe no tin edificio cu ta cumpli pa ta un warda di polis. Gobiernonan no ta worry cu seguridad di nos pueblo y tampoco a worry cu salud di nos polisnan. 

For di aña 2008, 2013, 2014, 2020, 2022 y 2023 gobierno no a worry pa bin cu opleiding pa polis. Riba dje nos cuerpo policial no tin kader paso nos cuerpo policial a neglisha e organisacion di polis. For di 2005 pa 2011 un grupo di polis a hiba gobierno huez paso nan a premira cu polisnan lo baha cu pensioen y lo bay tin vacatura, pero gobierno a opta pa bringa nan y awe nos ta mira con nos cuerpo policial ta demotiva. Esnan cu via banki di scol a bay NPA prome cu nan a termina nan estudio,  a manda un carta pa no laga esnan cu no ta academico haya e stoel paso nan lo strobanan. Awe nos por mira esnan cu a termina nan studio academico no ta forma parti di e cuerpo mas. Berdad pa ta polis bo mester tin vocacion p’e.

Awe nos ta tende cu ta corta riba overtime paso gobierno no tin placa pa paga overtime. Tin placa pa fiesta, tin placa pa auto nobo pero no tin placa pa seguridad di nos pueblo. Polis cu a haya accidente durante trabao mester bende cuminda pa busca tratamento den exterior y riba dje ora e tabata malo a baha su salario. Otro cu a bira malo den ora di trabao ainda no por haya su promocion. Pakico mester maltrata esnan cu ta traha na bienestar di nos tur. Tin placa si pa paga pa un helicopter pa bula 34 ora pa luna y cu gobierno mester paga 2.4 miyon florin pa aña. No tin prioridad.

Nos tin un gobierno cu no ta interesa den seguridad di nos pueblo y no ta interesa den e seguridad di nos miembronan di nos cuerpo policial. E maltratonan aki ta causante cu awe nos mester biba cu un cuerpo policial demotiva.  Husticia ta lanta un nacion pero inhusticia ta destrui un nacion. Lamentablemente nos tin un gobierno inhusto.

A yega tempo pa bin cambio pa nos isla y pa nos por construi nos Aruba dushi terra y nos destruye. E gobierno aki nunca a worry cu nos cuerpo policial p’esey nos ta unda nos ta awe. Nos di partido Curpa tin un compromiso cu nos cuerpo policial y un compromiso cu nos pueblo. Cu pueblo su confiansa y cu fe den Dios hunto nos lo reorganisa nos cuerpo policial pa hibe na un nivel pa bienestar di nos tur. Un gobierno sin Dios ta un gobierno sin husticia. Esaki ta tempo cu nos confiansa den Dios nos lo salba nos

Related posts

Cambio den prijs di productonan petrolero entrante 8 di januari 2020

EA News Author

Eman ta contento cu basisbeurs ta bai conta tambe pa e studiantenan di Aruba na Hulanda

EA News Author

Nos no mester tin miedo pa cambio e ta inevitabel den bida

EA News Author

Leave a Comment