No ta e material, no ta e telefon caro, tampoco e bankcard, ni e salimento tur siman, cumpramento di panja, viaje etc , pero tin algo hopi importante cu tu mayor mester tene cuenta cune, y hacie bo prioridad.
Como mayor abo ta e persona mas influyente den bida di bo yiu, pesey hunto cu Dios,bo mester haci mester haci e mihor influencia riba bida di bo yiu.
No por culpa un mayor ora un yiu ta haci cosnan robez pero si bo por analisa for di unda e influencia ta bini, for di cas , caya, of mal amistad.
E influencia cu abo ta demostra bo yiu, for di ora e ta chikito, ta crea un ambiente di bida pe, cual e ta bay crece cune, si e mucha lanta den un ambiente di influencia negativo, cual ta violencia, falta pordon, infieldad, mentira, bruheria, pleitamento, e influencia ey ta pega na su bida, pasobra e a lanta den dje. Awel awor nos por ripara riba un mucha su actuacion cual ta e tipo di influencia cu su mayor tin riba dje, pasobra locual mucha mira hende grandi haci nan ta ripiti.
Si bo influencia ta positivo, anto bo yui lo lanta cu amor. e sa con pordona, respeta, lubida un ofensa, e conoce balornan di bida, e ta agradecido,y gracia di Dios ta riba dje, pasobra su caracter a wordo influencia for di chikito door di su mayornan cu positivismo y asina e ta stima su prohimo. y cosnan negativo no ta afecta e mucha.
Ta bon pa tur hende sa cu Dios ta ordena nos como mayor pa haci esey, pasobra si nos no hacie, e mundo lo hacie pa nos.
Si abo como mayor no educa , instrui, influencia bo yiu den caminda di Dios, malbado ta tuma ventaha y daña bo yiu pa bo. (efesios 6;4 y Josue 24;5)
Mayor mester ta masha alerta pasobra, maldad kier controla e hubentud pesey , e instruccion di bo yiu den caminda di Dios ta bo prioridad, pasobra asina bo ta evita dolor pa e mucha como pa abo cu ta su mayor.
Laga nos wak biblicamente;
Anna a influencia Samuel ( Samuel a wordo yama door di Dios pa profeta.)
Abraham a influencia Isaac.( Dios a bendiciona Isaac pa motibo di Abraham).
Mordecai a influencia su yiu adopta cu yama Esther, ( Esther a salba su pueblo).
Eunice a influencia su yiu Timoteo ( Timoteo tabata un gran evangelista).
Jochabed a influencia Moises ( Moises a guia e pueblo di Israel y saca nan for di Egypto).
David a influencia Salomon ( Salomon tabata e rey di mas sabi cu a existi).
Tur a duna bon influencia na nan yuinan y esey a resulta bendicion pa nan como pa e yuinan.
Awor den e tempor cu nos ta bibando aki:
Billy Graham y Ruth Graham a influencia nan yiu Franklin Graham pa sigi cu e ministerio, y awe nos tur por mira e fruta.
Tony Evans a influencia su yiu Priscilla y nos por mira e fruta awe kico Priscilla ta haci.
John Osteen y Dolores Osteen a influencia Joel Osteen y awe nos por wak e resultado.
Bo prioridad como mayor mester ta influencia bo yiu den e caminda di Dios, y asina bo ta contribui na bo pais cu un bon cuidadano serio ,positivo, ehemplar y Dios tambe lo ta contento cu bo.( Colosensenan 3:21) y( Proverbionan capitulo 13 vers 20).