Hacidornan di maldad mester compronde cu lo yega un dia y un momento cu Dios lo saca tur cos na cla. Ta parce cu Dios ta drumi , pero Dios semper ta duna tempo pa hende arepenti, y ora e mira cu hende no kier arepenti e ta saca tur cos na claridad pa hende sa cu e ta Dios.
Nos tin un Dios Todopoderoso,Omnipotente, Omnipresente, nos Dios ta mira tur cos , muchu mas lew cu nos ta pensa of comprende, pesey e ta Dios.
Dilanti di Dios ningun hende no tin bida priva, locual hende ta kere cu nan ta haci tras di cortina , ta den tur claridad dilanti di Dios.
Diabel ta haci hende bobo y pone hende kere cu ningun hende lo haña sa di locual nan a haci, asina a pasa cu Adam y Eva den Eden, asina a pasa cu David y Betsabe, asina a pasa cu Samson, asina a pasa cu Rey Saul, asina a pasa cu Giezi cria di Eliseo.
Dia pa dia hende ta sera nan horea, y nan wowo haciendo nan mes sordo y ciego pa e palabra di Dios, pa asina por continua den e maldad, pensando cu ningun hende no ta tende of mira.
E asunto ta hopi serio y como mayor nos mester splica nos yuinan, cu tur locual cu nan ta haci Dios ta mira, y nan lo tin di duna cuenta di dje na Dios.
Y si nan ta haciendo maldad , lo yega un dia cu e man di ley ( Polis) lo pone man riba nan, y esey lo causa gran berguensa pa nan, pero dilanti di Dios, ta un oportunidad nan ta haña pa stop cu nan maldad arepenti y bini riba e caminda di Dios y biba drechi, y asina hereda bida eterna..
Ta con un hende por kere cu e ta haci malo, e ta droga e ta bebe, mal conducta, palabra malo, violento, rebelde, y cada biaha cu su mayornan bise algo, ta nan ta robes, ta nan ta ferfelo, y su mayornan ta cansa su cabes.
Ta con porta cu un hende casa por tin varios muher, y ta hibando su famia den destruccion, y tur ora e persona ta tira falta riba su hendenan di cas y no kier stop y arepenti di su infieldad.
Ta con porta posibel, cu un homber ta ninga di cria su yiunan, pero ta gasta tur placa na droga alcohol y paranda, y ora e wordo reclama na cas , e ta bira violento kier bati tur hende na cas.
Ta con por ta posibel cu un hende ta mara den inmoralidad y ta pretende cu e ta feliz, y ta wordo apoya door di amistadnan pa e keda den su scuridad, y rechasa palabra di Dios cu por cambia su bida.
Hebreonan capitulo 4 vers 13 ta para scirbi: No tin ningun criatura scondi pa Su bista, ma tur cos,ta habri y bisto, dilanti di wowo di Esun cu nos tin di haber cune.
Job capitulo 5 vers 22+23 ta para scirbi: No tin scuridad ni sombra di morto , unda e hacidornan di maldad por sconde.
Pasobra E no tin mester di investiga un hende mas a lew , pa esaki bin dilanti di Dios pa huicio.
Hopi biaha ora mayornan ta papia yuinan no ta scucha, pero awe tur hende por lesa locual Dios ta bisa y haña respet pa Dios.