Kico ta humildad Falso? Humildad falso ta ora un persona, no kier, pordona su mes di algo cu a pasa den su bida. Humildad falso ta confronta e trabao di Cristo Hesus a haci pa nos riba cruz di calvario, caminda E a entrega su bida pa nos pica nan.
Ora nos arepenti di curazon, y entrega nos bida na Cristo Hesus , nos ta un criatura nobo, tur cos bieuw a pasa y wordo haci nobo.
Esey ta nifica cu nos tin pordon di pica den Cristo Hesus, pero ora nos sigi culpa nos mes, y biba den nos pasado , nos ta demostra cu nos no ta kere den e libertad cu Cristo a duna nos.
Anto esey tin efecto riba nos mente, pasobra nos ta papia un cos y nos ta haci otro, y nos no kier somete nos bida na Dios (Santiago 4:7). pa asina evita cu e enemigo ta keda lanta pensamento nan bieuw den nos mente.
Por ehempel ; Un persona cu a comete aborto, mester pordona su mes, despues di arepenti di su pica y biba den e libertad cu Dios a dune, y no peca mas..
Bo no por keda cana cu cara abao pa algo cu a sosode 20 aña pasa den bo bida.
Ningun hende no tin e derechi riba e mundo aki pa keda mustra dede riba bo pa semper.
Asina nos bini serca Señor cu un curazon repenti y kibra ( Salmo 51:17) Dios ta pordona nos.
Hesus ta bisa nos den Mateo 11 : 28 Bini serca Mi tur cu ta cansa y carga, y lo Mi duna boso sosiego, esey ta nifica kico cu por a pasa cu bo den bo bida , bo por yega serca Hesus .
Mientras cu bo no kier entrega bo carga na Cristo Hesus e enemigo ta keda cu gara riba bo.
Hende cu no kier somete na Dios, ni tampoco pordona nan mes, ta sigi condena nan mes, y ta afecta nan salud mental y por hiba na decision grave den cual , nan por intenta di kita nan bida..
Señor ta nos refugio y nos fortaleza, nos consuelo den tur situacion, con grandi cu nos perdida por ta, Cristo Hesus ta e consuelo pa nos. Cu Fe den Cristo nos ta lanta bek.
Humildad falso ta existi ora nos ta duna adoracion na cosnan cu no ta di Dios, pasobra ta para scirbi cu ta solamente Dios nos lo adora.
Humildad ta e actitud necesario cu nos mester den nos curazon pa arepenti di nos pica, y biba pa Dios y no keda cana cu berguensa cabes abao , y asina duna hende chens pa ofende, chercha, y probecha di nos.
Ta mihor bo perde un amistad , pa bo cana cu Dios, y no cana den humildad falso, ningun hende ta perfecto, pero ora nos ta cana cu Dios, Su justicia lo trece perfecion den nos bida (Job capitulo 1 vers 1).
Hende cu ta cana den humildad falso ta pidi mitar despensa, y despues ta continua den nan error. Y nan por pasa henter un dia contando con humilde nan ta.
Ora Dios pordona, bo ta pordona y Dios ta separa bo pica lew for di bo.( Salmo 103:12)
Esaki tabata e acuerdo cu e propisito eterno, cu E a cumpli cune den Cristo Hesus nos Señor, den kende nos tin frankesa y entrada cu nos confiansa pa medio di fe den djE.( Efesios 3:12)