Den fin di siman Aruba a celebra e fiesta di cosecha cu ta e tradicion di San Juan/ Dera Gai. Minister di cultura Xiomara Maduro tabata riba caya y e mandatario ta contento di por a mira con Aruba a festeha na varios centro di bario rond di Aruba. Minister Xiomara Maduro mes a haci un recorido unda cu a cuminsa na SV jong na San Nicolas unda cu a duna un reconocemento na sra Juliana ‘Deta’ Rasmijn kende pa 35 aña ta organisa e evento di Dera Gai na SV jong San Nicolas. Despues a pasa na centro di bario Brazil cu tambe ta un tradicion pa celebra e dia di San Juan unda cu tabatin baile y minister Xiomara Maduro a participa un rato y pasa un rato ameno cu e pueblo di Brazil na centro di bario Brazil.
Despues a sigui pa centro di bario Savaneta unda cu por a admira diferente baile y por a comparti cu diferente persona na centro di bario Savaneta. Tambe Minister di Cultura a bishita Sport Boys Club unda cu tabatin un ambiente unico y a topa cu colega minister Endy Croes y a baila un piesa hunto di caha di orgel. Despues a sigui pa centro di bario noord unda cu por a mira un bunita celebracion unda cu por a entrega varios plakkaat na varios boluntario cu ta yuda centro di bario noord cu diferente actividad durante aña. Na final minister Xiomara Maduro a caba su recorido na centro di bario playa pabao unda cu tabatin e enimacion di Rincon Boys unda cu por a exprencia un bunita ambiente di fiesta di San Juan dera Gai. Bunita pa mira cu e pueblo di Aruba por a bini hunto den bario pa asina por celebra cu otro e fiesta di cosecha.
Click aki bao like y share 
