Celebracion di dia di San Juan ta un celebracion di cosecha, ainda Aruba tin su agricultornan y cu nan famia tambe a keda cu e tradicion, pero cu tempo e tradicion aki tambe a conoce su cambionan. Antes tabata uza un gai bibo y awo e no ta asina mas, pero tambe e parti di cendemento di candela esaki ta bira menos.
Den transcurso di aña tambe tabatin hende cu ta probecha pa haci uzo di e dia aki pa kima tur cos cu nan tin tur sushi rond di cas, pero e tradicion ta cu ta kima e resto di cosecha pa prepara e tera pa e por ta fertil pa e cosecha nobo cu e agricultornan kier tin.
Segun Minister di Cultura cu tempo personanan a recori pa kima mas cos unda cu e ta malo pa salud di hende y e bestianan cu ta habita den mondi ora cu candelanan ta bay for di man. Sinembargo cu tempo a cambia e tradicion y ta keda enfoca riba conscientisacion na scolnan hunto cu brandweer pa conscientisa e publico cu esaki no ta e parti di e tradicion cu por kima e cosecha pero no sushi engeneral paso esaki ta malo pa salud.
Banda di tur cos hopi ta e famianan cu a keda celebra e tradicion di San Juan y na unda cu centronan di bario a keda tene e tradicion aki bibo cu otro tipo di wega manera e grito di gai, baile di bandera y tambe e baile mes di San Juan cu ta esun primordial cu e hende nan ta baila, gosa y recorda e cosecha.
Click aki bao like y share 
