Un di e armanan di diabel ta inhusticia, pero Dios ta stima husticia, Dios no ta parti di discriminacion, ni tampoco hipocrecia , ni tampoco falsedad of manipulacion di hende.
Pero ora inhusticia ta tuma lugar nos mester haci manera Hose den buki di Genesis y David den buki di prome Samuel y e buki di dos Sanuel.
Dios mes lo atende esnan cu ta haci inhusticia contra bo, e rumannan di Hose a haci injusticia contra dje y e esposa di Potifar tambe a ganja riba Hose pone bay resulta inhustamente den prison, pero Dios mes a bringa su caso y Hose a sali di prison pa palacio.
Nunca pensa di haci malo cu hende, cohe ventaha riba nan, y manipula hende, pasobra Dios ta E defensor contra di inhusticia.
No haci e cos ey ni den wega, no probecha di hende djis pasobra bo tin placa, ni tampoco abusa di hende verbal of fisicamente pensando cu bo tin forsa y cu ningun hende no por haci bo nada, pasobra Dios ta wak y Dios ta atende cu tur inhusticia.
Si un hende ta traha pa bo, page corectamente, manera mester ta y no purba di haci inhusticia pasobra Dios ta wak: Lesa locual ta para scirbi den Santiago 5:1-6.
Mundo ta yena cu inhusticia, y hende cu kier corre pa nan iresponsabilidad,Tata cu no kier cria nan yiu y mama cu no tin tempo pa nan yiu, hende a bira sin escrupulo cu nan ta manda nan yiu bay biba na cas di nan mayor , pa nan hinca un amante den cas, esey ta nifica cu placer y pasion a surpasa responsabilidad.
Tin caminda cu ta parce bon den bista di hende,ma su fin ta caminda di morto. ( Proverbionan 16;18).
Tur ganashi inhusto tin consecuencia, pasobra Dios ta wak tur cos y e ta pone fin na tur cos especialemente inhusticia.
Jeremias 22:13 ta para scirbi; Ay di esun cu ta traha su cas riba inhusticia, y su salanan ariba cu mala fe, cu no ta paga e trabao cu su prohimo ta haci pe, y no ta dune su sueldo.
David a wordo persigi pa un tempo largo door di Saul, pero David no a lanta su man contra Saul pero a laga tur cos den man di Dios.
Boso a tende cu a wordo bisa; Stima bo prohimo, y odia bo enemigo. Ma Ami ta bisa boso, stima boso enemigonan ,
Bendiciona esnan cu ta maldiciona boso,
Haci bon na esnan cu ta odia boso,y haci oracion pa esnan cu ta maltrata boso, y ta persigi boso, pa boso por ta yuinan di boso Tata cu ta den cielo, cu ta laga su solo sali riba mal hende y bon hende. Y ta laga awa cay riba hende husto y inhusto.
No tin inhusticia serca Dios, pasobra Dios tin compasion y misericordia,di tur hende.
Dios mes lo restaura bida di hende, Dios tin compasion di hende , Dios nunca ta laga e husto desampara.
No laga nos lubida, pasobra oracion tin poder riba tur inhusticia, pasobra Dios su tempo ta perfecto, Dios nunca ta yega laat y tampoco ta lubida, Dios ta scucha y contesta oracion.
Pesey laga nos aserca e trono di gracia cu confiansa,pa nos ricibi misercordia y hanja gracia pa yuda den tempo di necesidad.
Awor mas cu nunca cu mundo ta wordo yena cu inhusticia, inmoralidad, y malicia, laga nos pone nos bista firme riba nos Salbador Cristo Hesus.
E ta e Rey di reynan y Senjor di senjornan, esun cu tin poder riba tur cos.
Sinceramente Pastor Marcel Balootje.