Policial

Polis ta pidi yudansa na comunidad pa e incendio di Scol Basico Cacique Macuarima


ORANJESTAD,Aruba

E candela a wordo sendi intencionalmente diadomingo, 12 di januari 2020, pa mas of menos 11’or pa 12’or di anochi. Recherche di Santa Cruz ta desea di papia cu tur hende ku por a mira algo riba e dia aki of cu pa casualidad por sa algo cu lo por yuda cu e investigacion. 

Tambe recherche di Santa Cruz ta desea di papia cu personanan cu durante e fecha ey, tabata den vecindario di scol Cacique Macuarima y cu por a mira algo cu por yuda solucciona e kimamento aki.

Riba e portret por mira un auto, probablemente un Toyota Agya, cu tabata para dilanti di e school durante di e candela. E ocupantenan por ta posibel testigo valioso di e caso aki. E peticion ta pa e personanan aki por acudi na recherche Santa Cruz.

Pa cu e sospechosonan por wordo mira ku un tin un postura cortico y e otro cu un haltura un poco mas largo. E sospechoso cortico ta bisti den un ‘hoody’. Bou di e hoody e tin un otro shirt y e tin un carson cortico. E sospechoso cu haltura mas largo ta lomba sunu y e tin un carson cortico bisti. Probablemente ela pasa su T-shirt over di su cabez. Riba su lomba por mira un prenda/joya. Probablemente e ta un cruz di un Rosario. 

Si un hende ta reconoce e personan aki of ta reconoce e auto, of bo tin conocemento di algun informacion di e incidente aki, bo ta wordo suplica pa presenta na recherche Santa Cruz, of pa tuma contact cu polisnan di Recherche Santa Cruz na number di telefoon 527-2927, of via e-mail:  dar4@kparuba.com.


Related posts

Polis y KidsAruba a parti 10 basket pa famia di menos recurso

EA News Author

Un suceso lamentabel awemainta na un creche

EA News Author

Turista tin un mahos bista den pleno caya banda di cas di gobierno,parlamento y gobernador

EA News Author

Leave a Comment