Local

Presidente di ATIA Hendrick Heriques : No ta comerciantenan a scoge pa BBO na frontera

Atia Hendrick Heriques

Segun Presidente di ATIA Hendrick Heriques tambe por a tuma nota den diferente relatonan cu ta sali unda cu ta bisa cu comerciantenan mes a scoge pa BBO na frontera, esaki no ta cuadra cu berdad segun Presidente di ATIA Hendrick Heriques, comerciantenan no a scoge pa esaki, si mester mira tur e cartanan cu a ser manda hunto cu e otro gremionan ta claramente cu kier BTW, pero tampoco na e manera cu e la keda presenta na departamento di impuesto di gobierno. 

Departamento di gobierno a presenta BTW cu dos tarifa 18/6 y despues 14/6 pero ATIA a para ariba cu mester haci esaki mane IMF a duna e raport na anja 2018 cu e BTW mester ta un porcentahe cu mester ta mas simpel posibel , menos excepcion posibel y den un base hopi amplio. Te cu ainda ATIA ta kere cu esey ta e manera mas miho paso e ta bay simplifica e stelsel di belasting. Segun Presidente di ATIA Hendrick Heriques no ta e gremionan a bin cu e idea di BBO na frontera , pero na mes momento ta kere si cu si implemente bon y corecto na un manera cu e parce BTW por hacie temporalmente pa asina comercio y tur ciudadno di Aruba lo mester cuminsa custumbra cu e manera di un BBO y BTW cu ta bay bin. 

Tambe ATIA ta di duda si e BBO na frontera ta necesario ainda mirando cu si mester mira e rapport di banco central di februari cu a sali na cuminsamento di mei por a tuma nota cu e entrada di gobierno a subi hopi unda cu ta mira cu e entrada di BBO a subi na 10.6 miyon cu ta mas compara cu a wordo bisa. Den total e entrada a subi na 25 miyon  y di e 25 miyon 10.6 ta solamente BBO esaki ta ilustra cu e productonan di prijsnan di mas halto cu ta cobra e BBO mas halto ta drenta, esaki a wordo bisa den pasado tambe segun Presidente di ATIA Hendrick Heriques.  

Si tin mas entrada di BBO , berdaderamente mester di BBO na frontera ? mester di un belasting nobo ? cu nos tur tin cu bay deal cu ne, Presidente di ATIA Hendrick Heriques ta kere ta importante pa reevalua e decision aki pa mira si berdaderamente mester bin cu BBO na frontera pa prome di juni cu ta aki un par di dia. 

Un otro punto cu tambe a keda vocifera ta cu BBO na frontera no ta subi gasto, segun Presidente di ATIA Hendrick Heriques esaki no ta full berdad, tin caminda ta berdad y tin caminda cu no ta berdad. E ta berdad ora e no subi gasto cu e ta un handelsgoed , na momento cu haya mas claridad unda cu e comerciante ta haya su credito bek e no lo mester subi e gastonan, pero unda cu si e ta subi gastonan ta si e producto no keda considera como handelsgoed e producto na entrada ta subi cu 7% extra, esaki por wak e como un 7% extra di invoerechten cu ta bay belastingdienst. 

Unda cu tambe e ta bay wordo afecta ta na unda cu e comerciante ta pre pagando e BBO y tin e producto y no sa ki dia lo bende e producto aki tampoco. Un BBO na frontera tanten cu e handelsgoed no keda defini claramente no tin un bista amplio y e trabao administrativo ta bira hopi mas. 

ATIA den e caso aki ta boga pa tur producto cu ta keda importa por haya credito pe ta un opcion pa comercio , esaki lo habri e mercado hopi mas y lo yuda e comerciante . ATIA ta kere cu gobierno mester defini hopi bon kico ta e handelsgoed cu ta bay determina den e ley aki principalmente e BBO na frontera  cu ta bay tin mas cambionan den ley cu ta wardando riba dje.  A priminti ATIA cu lo haya e draft pa fin di maart pero ainda ta wardando riba esaki y e dianan ta cerca pa e ley keda introduci. 

Related posts

KPA den Shock cu morto inespera di ex hefe di warda di noord Alvin Lake

EA News Author

Momento di reflexion ley pa yega na un RWZI nobo a wordo aproba den parlamento

EA News Author

Ley cu Aruba Fair Trade Authority Aruba ta ehecutando ta conta pa gobierno tambe

EA News Author

1 comment

Leave a Comment

Whatsapp Message