FeaturedLocal

Prome minister a ricibi bishita di mas di 30 studiante di de Haagse School na den Haag

Haagse School2

“Pa Gobierno ta importante pa tin un bon relacion cu De Haagse School ya cu tin varios studiante di Aruba cu ta atende e scol ey”

Prome Minister Evelyn Wever-Croes hunto cu Minister di Finansa Xiomara Maduro a ricibi bishita di mas di 30 studiante di De Haagse School na Den Haag. E scol aki ta uno hopi conoci y bishita pa varios studiante Arubiano, y ta ofrece un “minor” den Koningrijksrelaties, cu ta un vak cu studiantenan cu ta studia ley, “bestuurskunde”, “human resources” etc. por tuma.

 Durante nan bishita na Aruba, e studiantenan aki a reuni cu varios instancia y tambe cu Gobierno di Aruba. Prome Minister a indica cu e encuentro aki a dura 3 ora, na unda e  studiantenan aki, pa falta di informacion corecto, a trece varios ponencia dilanti. Tambe a haci preguntanan critico di cual Prome Minister y Minister di Finansa a sa di contesta tur. Lo mas importante ta cu e mandatarionan tabata tin e oportunidad di conta nan e storia di Aruba, prome cu pandemia, durante pandemia, y con lihe e isla ta recuperando di forma impresionante.

 Prome Minister tambe a splica e studiantenan di e puntonan cu ainda tin pendiente, cu ta e acuerdo cu Hulanda riba e interes di 6.9%, e yudansa na famianan di menos recurso cu ta pasando den un situacion financiero dificil, diversificacion di economia, y e retonan pa loke ta energia.

 “E reunion tabata uno intersante na unda por a nota cu e studiantenan aki ta hopi bon informa riba e tema di relacion di Reino, pero tabata hopi interesa pa siña mas di Aruba, y specialmente con exitoso e isla ta. Pa Gobierno, ta importante pa tin un bon relacion cu De Haagse School ya cu tin varios studiante di Aruba cu ta atende e scol ey. Mi ta gradici colega Minister Xiomara Maduro pa a atende e reunion aki hunto cu mi y Minister Plenipotenciario Ady Thijsen pa a haci e reunion aki posibel”, Prome Minister a expresa.

Haagse School8 ScaledHaagse School7 1 ScaledHaagse School6 ScaledHaagse School5 ScaledHaagse School4 ScaledHaagse School3 ScaledHaagse School1 Scaled

Related posts

Algemene Rekenkamer di Hulanda tambe a haya un bista di e esfuersonan haci pa mehora finansa publico di Aruba

EA News Author

Parlamentario Shailiny Tromp-Lee (MEP): Enberdad Mike Eman ta desespera y cu un manifesto ficticio kier tuma pueblo haci

EA News Author

Parlamentario Marco Berlies: Show politico di Marisol Lopez Tromp ta continua “ Mi a keda baboca”

EA News Author

Leave a Comment

Whatsapp Message