Dia 23 te cu 25 di augustus 2021 lo tuma luga e Reunionnan Interparlamentario di Reino (IPKO) entre e Parlamentonan di Hulanda, Corsou, Sint Maarten y Aruba na Boneiro
E reunion lo cuminsa dialuna 23 di augustus pa 1:30 di merdia cu un sesion plenario, presidi pa miembro di Tweede Kamer y presidente di e comision fiho pa relacion den Reino, Sr. Jan Paternotte.
Despues di un palabra di bonbini di parti di e Gezaghebber di Boneiro lo tin presentacion di e ultimo desaroyonan di cada pais y despues lo mira atras den diferente subsesion tocante e eleccionnan di Hulanda, Corsou y Aruba.
Diamars mainta lo cuminsa cu diferente subsesion pa mira con por yega na miho relacion y alabes relacion duradero dentro di Reino.
Despues lo sigui elabora den diferente subsesion tocante cooperacion y ehecucion di e paketenan nacional (landspakketen).
Despues di merdia lo trata e 4 SDGnan relaciona cu clima y sostenibilidad.
E reunionnan interparlamentario ta termina diaranson merdia 3or cu un sesion plenario tocante resultado di reunion y posibel conclusion.