Curacao

Samira Rafaela di bishita serka prome minister di Korsou , Sr.Eugene Rhuggenaath

A2Cc21B2 69Db 49Ce 9B9C Fdca561B20Dc


Samira Rafaela, miembro di Parlamento Oropeo, tabata di bishita na Kòrsou durante e promé siman di novèmber 2020. E bishita aki tabata pa por bolbe interkambiá riba diferente tópikonan di interes.
Djaweps, dia 5 di novèmber último, Promé Minister di Kòrsou, sr. Eugene Rhuggenaath a hiba un kòmbersashon ekstenso i fruktífero ku sra. Rafaela riba diferente aspekto di importansia pa e relashonnan di trabou i kolaborashon entre Kòrsou i Hulanda (Oropa).
Durante e bishita aki, Minister Rhuggenaath i sra. Rafaela entre otro a toka e tema di e akuerdo di desaroyo i reforma ku resientemente a keda firmá entre Gobièrnu di Kòrsou i Gobièrnu di Reino. Tambe a kòmbersá riba e terser transh ku Kòrsou lo mester risibí, e sosten di likides i mas ku klaro a papia tambe riba e palabrashonnan di koperashon i kolaborashon entre e dos paisnan.
Riba e tópiko aki, Minister Rhuggenaath a ekspresá su deseo pa mas enbolbimentu di Kòrsou su diáspora pa di e forma aki duna mihó kontenido na struktura di e kolaborashon aki i a pidi sra. Rafaela spesífikamente pa, komo miembro di Parlamento Oropeo, dediká èkstra atenshon na esaki.
Samira Rafaela di su banda a ekspresá di ta mira un konekshon entre Union Oropeo i e akuerdo di desaroyo i reforma ku a keda firmá entre Kòrsou i Gobièrnu di Reino. Segun sra. Rafaela su opservashon, esaki ta e momentu perfekto pa Kòrsou sera mas kolaborashon ku Union Oropeo pa asina haña akseso na fondonan manera por ehèmpel e fondo Horizon 2020 riba tereno di siensia i BEST 2.0 riba e tópiko di biodiversifikashon. Riba esaki, Minister Rhuggenaath enberdat ta mira puntonan di referensia entre Kòrsou i Union Oropeo.
Durante e kombersashon aki a toka tambe e tema di relashonnan komersial den region i e negosiashonnan nesesario riba tratadonan manera Mercosur ku ta basá riba e relashonnan ekonómiko entre paisnan Sur-Amerikano manera Argentina, Brasil, Paraguay i Uruguay, pero tambe e tratado post-Cotonou ku ta un tratado entre Union Oropeo i e paisnan konosí komo ‘ACS landen’. ‘ACS landen’ ta un total di 79 pais prosedente di e kontinente Afrikano, region Karibense i Oseano Pasífiko ku tin un relashon spesial ku Union Oropeo basá riba kolaborashon ekonómiko, kolaborashon di desaroyo i promové derechonan humano i di demokrasia.
Por último Promé Minister Rhuggenaath i sra. Rafaela a kombersá ekstenso riba e tópiko di Venezuela i e posibel konsekuensianan di e situashon aki pa Kòrsou i e stabilidat di Reino i region. Ku esaki, Minister Rhuggenaath por a haña un bista amplio kiko ta e punto di bista di Union Oropeo riba e tópiko aki i spesífikamente opinion di Parlamento Oropeo.

Related posts

Awe mainta ta apertura oficial di IPKO na Corsou

EA News Author

SER ta emití konseho riba proyekto di lei renobá pa ku sektor di azar

EA News Author

Delehashon di Korsou a sinta cu grupo di negoshante hopi rekonosi, respetá i importante na Dubai

EA News Author

Leave a Comment

Whatsapp Message