Local

Tickets di Caiso & Soca Monarch 2020 disponibel via Pay.aw

Img 20200122 Wa0010

ORANJESTAD,Aruba

Diaranson atardi SETAR conhuntamente cu Stichting Musica a anuncia benta di tickets via Pay.aw. Pa SETAR ta un placer pa introduci e module di Events den e aplicacion di Pay.aw hunto cu Stichting Musica teniendo na cuenta cu Aruba Caiso & Soca Monarch ta un di e eventonan cultural di mas grandi na Aruba. 

Cu e introduccion di e module di Events, Pay.aw ta ofrece e posibilidad no solamente na Stichting Musica pero tambe na tur otro evento den futuro pa bende ticket via Pay.aw. Entre otro eventonan manera: comedia, concierto, conferencia, workshop y mucho mas, caminda cu usuarionan di Pay.aw por cumpra nan entrada facilmente via e aplicacion. 

Pa compra di ticket por click riba Events y selecta e dia cu bo kier atende e evento, sea anochinan di Pre-finals, Caiso Finals, Super Saturday Soca Finals of e Caiso & Soca Monarch Package cu ta inclui tur 5 anochi di e festival. Ora bo cumpra bo entrada pa un di e anochinan, bo ta ricibi un QR code. Na momento cu yega Carnival Village lo scan esaki via bo celular pa por drenta. Esnan cu cumpra e Caiso & Soca Monarch Package tambe ta ricibi un QR code cu lo scan na momento cu yega Carnival Village y lo haya 5 ticket a cambio pa entrada pa cada anochi. 

Asina aki SETAR ta sigui introduci mas facilidad den e aplicacion di Pay.aw cu ta crea mas oportunidad pa compra y benta sin nodo di tin placa cash y cu e facilidad di por haci esaki for di e comodidad di bo cas. 

Related posts

Casonan sospechoso di Dengue ta subiendo na Aruba Ta pidi comunidad pa tuma medida necesario pa stop transmision di Dengue

EA News Author

Addonsito Croes a entrega awards di Playa Film Festival 2023

EA News Author

Red Cross Aruba cu evento pa recauda fondo

EA News Author

Leave a Comment

Whatsapp Message